Gerîlayê Azadîye yê Kurdîstanî 2021î ra nata herêmanê  Metîna, Zap û Avaşînî de vera hêrişanê îşxalî yê dewleta tirke têkoşînê xurtî danê. Gerîlayê ke nê têkoşînê girdî de ca genê, derheqê hêrişanê ke dewam kenê de ANFyî rê qisey kerd.

Amed Azadî: ''Şerê Zap, Metîna û Heftanînî şerêko gird o. Dewleta tirke bi heme hêzê xo hêriş kena. Ma Metîna de vera hêrişê îşxalî şer kenê. Xoverdayîşê Zendûra bi xo semedê ma destanêk bi. Şeş embazan 51 rojî vera çekanê kîmyewîyan û her qeyde teknolojînî xover da. Nê xoverdayîşî mojna ke ganî ma zî senê xover bidê. Şer zaf waran ra vila bîyo la dişmen warê ke îşxal kerdî, tede mendo, nêeşkeno gamêke zî aver şiro. Nê şerî de xeylêk embazê ma yê qehremanî şehîd bîyî. Ma do bi ruhê xoverdayîşî yê Bager, Cesûr, Rojhat û Azadan nê şerî biresnê serkewtişî. Ma do dişmenî Kurdîstanî ra vejê. Ma do çarçeweya felsefeya Rayber Apoyî de têkoşînê xo bidomnê.''

Bahar Goyî:  ''Ez destpêkî ra mîyanê têkoşînî de ya. Ma şertanê zehmetan de vera dişmenî çalakîyan kenê. Mi zî mîyanê çalakîyanê bitesîran de ca girewt. Semedê ma serkewtişo tewr pîl oyo ke vera dişmenî herra xo bipawê.  Ma têkoşîn kenê ke serkewtişanê dahîna pîlî bifînê dest.''

Denîz Damapêr: ''Şarê ma bi serran o vera zext û zilmê dişmenî xover dano. Koyanê Kurdîstanî de zî gerîlayî têkoşînê xo domnenê. Dişmen propaganda keno, bi zûran vano o do gerîlayan biqedîno. Dişmen çend şerê taybetî rayra bêro zî , gerîlayê azadîye yê Kurdîstanî bi çalakîyanê xo  vatişê ey betal kenê. Dişmen xeylêk waran de nêeşkeno xo bileqino. Nika merkezê şerî Zap o la çar parçeyanê Kurdîstanî de şer est o. 25 serrî yo Rayberîye binê tecrîdî de yo. Şarê ma zî şexsê Rayberîye de yeno tecrîdkerdene. Dişmen wazeno şarê kurdî Rayberîye ra raqilno. Ma do sey domananê nê şarî çirey destûr serkewtişê dişmenî medê. Ma do wayîrê mîrasê şehîdanê xo bivejîyê.''