Dewleta tirke ya îşxalkere seba peydakerdşê teknîkê hêrişan pêro çimeyê xo seferber kerdî. Xoverdayîşê hêzanê gerîlayan nika ra teknîkê hêrişanê artêşa tirke ya îşxalkere pûç kerdî. Gerîlayanê Hemleya Şorişgêre ya Cenga Xabûrî ra Xwînda Kobanê û Amed Efrînî ANFyî rê qala xoverdayîşê vera hêrişanê dewleta tirke ya îşxalkere kerde.

Gerîla Xwînda vat: ''Hêrişanê vera Herêmanê Pawitişî yê Medya teknîko giran şuxilna. Dewleta tirke pê tenkîkê xo bawer kerdêne. Mi bi xo mîyanê xoverdayîşê vera îşxalî de ca girewt. Rayêke helîkopteran fotografê ma girewtî û hêrişê ma kerdî. 4 reyî nînan hêrişê ma kerd. La her rey ma pê metodanê xo hêriş berteref kerd. Ma weş û war xo resna embazanê xo. Nê hêrişî de artêşa îşxalkere vera ma pêro teknîkê xo şuxilna. La ma no teknîk pûç kerd. Ma dişmen hol şinasna edî. Naye ra pey zî ma do vera hêrişanê dişmenî û teknîkê ci tedbîranê xo bizêdînê. Teknîkê dişmenî vera geerîlayan tim do bênetîce bimano.''

Amed Efrîn vat: ''Ma vera hêrişanê dişmenî yê serê Herêmanê Pawitişî yê Medya Hemleyê Cengê Xabûrî û Bazanê Zagrosî dayî destpêkerdene. Ez zî tewrê Hemleya Cengê Xabûrî bîya. Dişmen têna pê teknîkê xo bawer o. La teknîko modern çend xurt bo zî afernayoxîya gerîlayan zî hende bihêzêr a. Bêguman oyo ke hêz û cesaret dano ma qerardarîya Rayber Apoyî ya. Tîya de fîzîk zaf girîng nîyo, ma bi aqilî nê bi bawerî têgêrenê û hêrişanê dişmenî pûç kenê. Rayîr û metodanê ma yê neweyan pêro teknîko modern ê dişmenî pûç kerd û ma serkewtiş vist dest.''