Milîsanê Azadîya Kurdîstanî (MAK) pare kerd ke înan vera tecrîd û Komployê 9ê Teşrîna Verêne xeylêk taxanê Geverî de vera îşxalkeran şer kerdo û xeylêk îşxalkerî birîndar kerdê. MAKî derheqê babete de nê agahîyî dayî:

''Milîsê ma şanê 9ê teşrîna verêne de, saete 20.00 de, taxanê Eskî Kişla, Şehîd Rojvan, Şehîde Mizgîne, Şehîd Herekol û Şehîd Fermandar Serdarî yê Geverî de seba Rayber Apoyî vejîyayî waran. Îşxalkeran bi TOMA û wesayîtanê bi tîpê Akrepî hêrişê milîsanê ma kerd. Milîsanê ma bi bombayanê destan da wesayîtêkê îşxalkeran ro.

Saete 21.20 de, taxa Eskî Kişla de vera Merkezê Polîsan ê 75inci Yilî di reyî bi teqaberan çalakîyî ameyî kerdene. Milîsanê ma da wesayîtê zirxînî ro û wesayîtê zirxinî xo apey ant. Mabênê milîsanê ma û îşxalkeran de xeylê noqtayan de şerêko giran qewimîya. Milîsanê ma bi teqaberan, fîşekanê hewayî û bombayanê vengî xo ver da. Şer de xeylêk îşxalkerî birîndar bîyî, derbe dîyaye wesayîtanê zirxînan ro. Milîsanê ma dima xo apey ant.''