Komeleya Paştdayîş û Hetkarîya bi Keyeyanê ke Merdimanê Xo Vînî Kerdî (MEBYA-DER) seba ke cenazaya cenazayê gerîlayan keyeyanê înan rê nênê teslîmkerdene Goristanê Bêkesan ê Baglarî yê Amedî de eşkerayîye daye.

Hemserekê MEBYA-DERî Şeyhmus Karadagî pare kerd ke cenazaya gerîlayê HPGyî Cemal Çelîkî serra 2017î de herêma Besta ya Şirnexî de şehîd bi û cenazayê gerîlayan ê bînan zî wedarîyayî Nêweşxaneyê Dewlete yê Şirnexî.

Karadagî îfade kerd ke keye nêeşka cenaza teşhîs bikero û dadîya Çelîkî seba testê DNA 20ê sibate de di reyan şîye Şirnex. Karadagî eşkera kerd ke 7 mengan ra dima keyeyî rê ame vatene ke testê DNA û cenaza  nêtepiştişî pê labelê pare kerd ke cenaza Nêweşxaneyê Dewlete yê Şirnexî de ya.

Karadagî venga selahîyetdaranê dewleta tirke da ke wa cenazayanê gerîlayan keyeyanê înan rê teslîm bikerê. Karadagî vat: ''Destê xo goran ra biancê. Ma do muracatanê keyeyan teqîb bikerê û hetê huqûqî ra paştî bidê înan.''