Gerîlayanê YJA-Starî û HPGyî warê Qaşûra yê Metîna de 27 û 28ê teşrîna peyêne de vera artêşa tirke ya îşxalkere tay çalakîyî kerdî. Goreyê tesbîtan çalakîyan de 2 îşxalkerî ameyî cezakerdene û 1 îşxalker birîndar bi.
Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:
''Çarçewa Hemleya Şorişgêre ya Cengê Xabûrî de, herêma Metîna de;
27ê teşrîna peyêne de Girê Mîlîtanî yê Qaşûra de mewzîyê A-4î yê îşxalkeran hetê hêzanê ma ra ame hedefkerdene. Netîceya na çalakîye de 1 îşxalker birîndar bi.
28ê teşrîna peyêne de Girê Mîlîtanî yê Qaşûra de hetê hêzanê ma yê gerîlayan ra 2 baskan ra çalakîya bikordîne ameye kerdene. Di baskan heman wextî de 6 îşxalkerê ke mewzî virşatêne kerdî hede û nêzdî ra da înan ro. Netîceya na çalakîye de 2 îşxalkerî ameyî cezakerdene.
27 û 29ê teşrîna peyêne de warê Sîda, Girê FMyî, Çemço û Rênçbiraxayî yê herêma Zapî dîyayî bombayan ver. 27ê teşrîna peyêne de Girê Hekarî yê Metîna dîya bombayan ver.
20ê teşrîna peyêne de warê Ergenê yê Garê û 27ê teşrîna peyêne de warê Derîyê Hirçê dîyayî bombayan ver. Netîceya nê bombardumanan de zerarêko madî resa bax û baxçeyanê şarê ma yê Başûrî ser.''
