Kampa Multecîyan a Şehîd Rûstem Cûdîyî de hêrişê dewleta tirke yê vera Şingalî pê çalakîyêka rayraşîyayîşî ameyî protestokerdene. Çalakîye de posterê Rayberê Şarê Kurdî Abdullah Ocalanî û alayê PKK, HPG û KCKyî ameyî kiriştene.

Girseyî dima verê Merkezê Kulturî yê Mexmûrî de eşkerayîyêke daye. Hemserekê Meclîsê Şarî yê Mexmûrî Haci Kaçanî çalakîye de qisey kerd û ard ziwan ke dejê Şingalî dejê pêro kurdan o. Kaçanî vat: ''Armancê nê hêrişan çinkerdişê îradeyê êzidîyan o. Ganî pêro kurdî vera nê hêrişan tewir bigêrê.Ma venga hukmatê Iraqî û Neteweyanê Yewbîyayeyan danê ke wa pêro mesuldarî û wezîfeyê xo bîyarê ca.''

Çalakîye pê sloganan qedîyaye.