Gerîlaya YJA-Starî Mardîne Penaber (Beybûne Kara) a ke 4ê temmuza 2022yî de Girê Hekarî de şehîd bibî, serrgêra yewine ya şehadetê xo de Kampa Multecîyan a Şehîd Rûstem Cûdîyî ya Mexmûrî de ameye yadkerdene.

Merasîmê yadkerdişî Dezgehê Keyeyanê Şehîdan de ame kerdene. Babîyê Mardîne Penaber Cemîl Karayî yadkerdiş de qisey kerd û vat: ''Şehîde teyna şehîda mi nîya, şehîda ma pêroyînan a. Ma pê kênaya xo sereberz ê. Ma soz danê ke heta peynî rayîrê ci de şorê.''

Nameyê Keyeyanê Şehîdan ser o zî Sarya Marînos qisey kerd û vat: ''Wayîrvejîyayîşê şehîdan wayîrvejîyayîşê Rayber Apoyî yo. Ma do heta peynî serê rayîrê şehîdan de şorê.''

 Bernameyê yadkerdişî bi sînevîzyonêkî dewam kerd. Bername pê slogananê ‘Jin Jiyan Azadî’, ‘Bê Serok Jiyan Nabe’ û ‘Bijî Serok Apo’ qedîya.