Meyîtê Engîn Eroglûyo (28) ke dewa Yaylagunu ya qezaya Pulurî ya Dêrsimî de 15’ê Hezîrane de gama ke heywanê xo çerênayêne bibi vînî  19 rojan ra dima Torûnobaya qezaya Pulurî de ame dîyene.

Meyîtê Eroglûyî yo ke Nêweşxaneyê Dewlete yê Dêrsimî de hetê merdimanê ci ra ame teşhîskerdene seba otopsî ame berdene bi Sazîya Tibê Edlîyî yê Meletî. Birayê Eroglûyî Ahmet Eroglûyî vat bedenê ey masayo û sereyê ci de derbe esta.

Hetê bînî ra polîs û eskeran Nêweşxaneyê Dewlete yê Dêrsimî girewtê binê ablûqa û bi talîmatê walîyî destûr nêda rojnamegerî dîmen û fotografan biancî. Keyeyê Eroglûyî yê dewa Yaylagunu de tazîyeya Eroglûyî ameye ronayene.