Hemserekê Partîya Cuya Azade ya Kurdîstanî (PJAK) Sîyamend Moûînîyî Endamê Konseya Rayberdişî ya KODARî Yûsif Rebanî (Rêzan Cawîd) yad kerd ke 6ê tebaxa 2022yî de taxa Sîna ya Qamişloyî de hêrişêkê dewleta tirke de şehîd bibi. 

Sîyamend Moûînîyî da zanayene ke Rêzan Cawîd kesayetêko şorişgêr û ruhêko serkêş bi. Sîyamend Moûînîyî vat: ''Embaz Rêzanî bi kesayetê xo embazan rê tesîr kerdêne, embazî perwerde kerdêne. O heyf ke netîceya komployê Tirkîya, Îran û Sûrîye de şehîd bi. Dişmen averşîyayîşê kurdan ra aciz o coka serkêşanê kurdan hedef keno. Embaz Rêzanî ê şorişgêran ra yew bi ke cuya xo pêşkêşê azadîya şarê ma kerde.

Embaz Rêzan seba ke rewşa Rojawanê Kurdîstanî bivîno şibi uca. Ey armanc kerdêne ke uca de tay karê yewîya neteweyîye bikerê û tecrubeyanê xo Rojhelatê Kurdîstanî de şarî reyde vila bikero. La heyf ke karê ci nêmcet mend. Şarê Rojawanî şehadetê ci de wayîrê ey vejîya coka ez înan rê zaf sipas kena. Ma do sey embazanê Rêzanî heta ke armancanê ey ser bivisnê şorişî rê dewam bikerê, Kurdîstanê azadî awan bikerê. Dişmen se keno wa bikero do nêeşko verê azadîya Kurdîstanî bigêro.''