Fermandarîya Qerargehê Merkezê Pawitişê Şarî (MPŞ) bîlançoya şerî ya 2021î eşkera kerde. Eşkerayîya MPŞyî wina ya:

''2021 seba têkoşînê ma, şarê kurdî û şaranê herême serrêka girînge bîye. Na serre de hetê leşkerî, sîyasî û komelkî ra sere de cinîyî û ciwanî hetê hêzanê dînamîkan ra têkoşînêko xurt ame kerdene, xeylêk qewimîyayîşê girîngî ameyî destvistene û netîceyê pîlî qewimîyayî. Hema destpêkê serre de ma tesbît kerd ke serra 202î do normal nêba û têkoşîn asta berze de bibo. Ma tesbît kerd ke dewleta tirke goreyê madeya qanûnê xo yê bingeyînî do hêrişê Têgêrayîşê Azadîye yê Kurdîstanî bikera. Coka ma destpêkê 2021î de vera Planê 'Çokdayîşî' yê dewleta kolonyalîste amadekarîyê xo seba servistişê Hemleya Wextê Azadîye kerdî, gerîlayê azadîye taktîkanê serra newîye rê amade kerdî, plansazîya ney û metodê dewrî ercnayî û kerd ke Hêzê Pawitişî yê Şarî bi hawayêkê amadeyî dest pê serra 2021î bikerê.

Planê Çokdayîşî yo ke îtîfaqê AKP-MHP-Ergenekonî 24ê temmuza 2015î de vera têgêrayîşê ma û şarê ma dabi destpêkerdene, xêrê xoverdayîşê Îmraliyî yê Rayber Apoyî, têkoşînê şarê ma, dostanê şarê ma, hêzanê çep-sôsyalîst-demokratan, cinîyan û ciwanan, xoverdayîşê gerîlayan ra ame çinkerdene. Nê xoverdayîşî rejîmo faşîst ard verê rijîyayîşî coka rejîmî waşt ke 2021 de pê çinkerdişê kurdan, pê servistişê hîsanê nîjadperestan weçînayîşê verwextî bîkero, emrê xo derg bikero. Nê rejîmî seba dergkerdişê emrê xo yê îqtîdarî, xo û mendebîyayîşê Tirkîya seyci mojna û çarçewa xeyalanê osmanîya newîye de waşt Başûr û Rojawan îşxal bikero. Nê esasî ser o înan 10ê sibate de verî hêrişê Garê kerd û waşt derbêka pîle bidê hêzanê ma ro, têgêrayîşê ma demoralîze bikerê û dima îşxalê Garê hîra bikerê. Labelê no hesab bi xoverdayîşê destanwarî yê Sîyanê, bi serkêşîya fermandarê ma yê çêrî Şoreş Beytuşebabî de ame pûçkerdene û derbê giranî dîyayî artêşa tirke ro. Artêşa tirke bin kewte û rixmê îmkan û paştdayîşan zî têna 4 rojan eşkaye uca de bimana.

Rejîmo faşîst neçare mend ke îtîrafê binkewtişê Garê bikero û dest pê girankerdişê tecrîdê vera Rayberê ma, tedaya vera kurdan û hêzanê çep-sosyalîstan-demokratan ê Tirkîyan kerd. 23ê nîsan ed e zî înan bi giranî hêrişê Avaşîn, Zap û Metîna kerd. Înan armanc kerd ke pê nê hêrişan gerîlayanê ma Herêmanê Pawitişî yê Medya ra vejê û gama tewr girînge ya Komployê Mîyanneteweyî bîyarê ca.

Labelê gerîlayanê azadîye yê Kurdîstanî vera ney xoverdayîşêko tarîxî kerd, hesabê dewleta tirke, hêzanê mîyanneteweyîyan û ê hemkaranê înan xera kerd, verê armancanê înan girewt. Hêzanê Pawitişê Şarî pê serkewtişê Garê dest pê serre kerd û asta gerîlatîya dewrê neweyî viste astêka bîne. Bi taybetî metodê şerê tîmanê gerîlayan ê profesyonelan, taktîkê şerî yê çeper û tunelan artêşa tirke vindarnaye. Artêşa tirke ya ke vatêne qet çend hewteyan de netîce bivisna destî nêeşkaye verê binkewtişî bigêra, derbê giranî werdî û neçare mende ke bedelê îşxalkerîya xo bida. Gerîlayan Heftanînî ra heta Amedî, Dêrsimî ra heta Zapî, Avaşînî ra heta Serhedî, Xakûrkê ra heta Botanî her warê Kurdîstanî de bi hawayêkê aktîfî têgêrayî. Sereştişî ra heta xoverdayîşê mîyanî, hêrişî ra heta sekbanîye, sabotajî ra heta pirodayîşî, çeper û tunelê şerî, şuxilnayîşê hêzanê hewayî û çalakîyê koordînayî gerîlayanê modernîteya demokratîke resimêko pîl pêşkêş kerd.

Artêşa tirke 2021 de pêro teknîkê şerî xebitnayî, Herêmê Pawitişî yê Medya bêmabên dayî bombayan ver la nêeşkaye netîceyêke bivisna destî.Gerîlayan xeylêk reyî SÎHAyê dewleta tirke bêtesîr kerdî. Nê prosesê xoverdayîşî de Girê Sor, Werxelê, Aris Faris û Mamreşo zî tede pêro waranê xoverdayîşî de her roje derbî dîyayî dişmenî ro û şerêko bêpeynî ame kerdene. Bi îradeyêkê pîlî tay waran de şer 6 mengan dewam kerd û netîce de pê tradîsyonê PKKyî, gerîlayê HPGyî ser kewtî, hêzê faşîstî yê AKP-MHPyî bin kewtî û nêeşkayî biresê armancanê xo. Artêşa tirke naye ser o dest eşt çeka kîmyewîye ke vera huqûqê şerî ya, vera merdimîye ya. 40 embazê ma Siyanê, Zendûra, Mamreşo, Girê Sor û Werxelê de bi na çeke şehîd bîyî labelê înan pê xoverdayîşê xo dişmen bin kerd û tarîx de cayê xo girewt.

Gerîlayê azadîye pê tewirê pîlî yê Rayber Apoyî yê Îmraliyî, pê qerardarîya serkewtişî ya îdeolojîya Apogîre, pê tecrubeyê 37 serran ê têgêrayîşê ma 2021 de pratîko winasên vist dewre. Dewleta tirke seba ke zere de zî derbe bida têkoşînê azadîye ro, xîret kerd ke xeta îxanetî newe ra aktîf bikera. Naye ra kerd ke PDK waranê gerîlayan bigêro binê ablûqa, dewleta tirke rê zemînê îşxalî amade bikero û îstîxbarat bido ci. Heyf ke hêzanê PDKyî zî nê bingeyî ser o dewleta tirke reyde têgêrayî û 2021 de xançerê îxanetî da xoverdayîşî ro. PDKyî dima xîret kerd ke gerîlayan qels bikero, provakasyonanê cîyayan bikero la xêrê tewirê mesuldarî yê hêzanê ma ra verê serebûtanê alozîye ame girewtene.

Ruhê fedayî yê gerîlayan o ke bingeyê îdeolojîya Apogîre, qerardarî, asta îradeyî, taktîkan de xorin bîyo, performansê şerî yê gerîlayan mîyanê şertanê tewr giranan de kerd, sey hêzê serkewtişî morê xo da binê 2021î ro. Emser ma çêrê pîlî şehîd dayî. Sere de  embazan Cûmalî û Rêber, Çavrê, Botan, Zinarîn, Şoreş Beytuşşebap, Hîjar, Serhat, Sarya pêro embazanê ma yê çêranê şehîdan nameyê xo pê herfanê zerdînan tarîxî ser o nuştî. Ganî ê do qetî nêrê vîrakerdene ke pê ked û xoverdayîşê tarîxî yê şehîdan no dişmeno harbîyaye yo gonîwer ame vindarnayene û serkewtiş ame destvistene.

Xeta çêrîye ya hêzanê ma yê YJA-Starî, tewirê fermandarîya pîle ya embazan Sarya, Delale, Ronahî, Nûjîne, Diljîne, Diyana, Hîra, Zinarîne û Çavrêyan, rayberîya nê embazan û gerîlatîya YJA-Starî qewimîyayîşanê tewr girîngan ê 2021î ra yê. Alternatîfê cuya azade ya alternatîfe, paradîgmayî, rêxistinîye û îdeolojîke reyde ke şexsê cinîyan ê kurdan ê azadan de ame afernayene hetê leşkerî ra zî asta caardişê serkewtişî yê gerîlatîya modernîteya demokratîke, destkewteyê girîngî xo reyde ardî ke temamîya cinîyanê dinya ra benê çimeyê îstîfadekerdişî. Têkoşînê 2021î de rolo rayber ê cinîyan ê azadan mîyanê têkoşîn û şerê ma de reyna xo îsbat kerd.

Serra 2021î de vera 1899 hêrişanê hewayî, 426 hêrişanê obus û hawanan û 367 hêrişanê kîmyewîyan ê dişmenî embazanê ma bi ruhê fedayî û fedakarîyêka pîle 742 çalakîyî kerdî. Nê çalakîyan û şerî de 861 leşkerê dişmenî ameyî cezakerdene. Nê hêrişanê dişmenî de 298 embazê ma şehîd bîyî. Tay embazê ke şehîd bîyê nasnameyê înan wexto de dîyar bibê do rayaumûmîye rê bêrê parekerdene.

Serra 2021î bîye serra winasêne ke taktîk û metodanê ma yê şerî xo reyna îsbat kerd, perspektîfê gerîlayan ê dewrê neweyî newe ra ame îsbatkerdene û ceribnayene. Nê prosesî de xeylêk fermandarê ma yê ciwanî yê çêrî vejîyayî vernî û înan rayberîya nê serkewtişî kerdî. Eşkera yo ke hêzê ma her ke fermandarîya raybere û taktîkan de xorin bîyî do zêdêr bibê hêzê serkewtişan ê pîlan. Gerîlayê Azadîye yê Kurdîstanî ke hêvîyê şaran ê bindestan û azadîgîran ê, serra newîye ya têkoşînî de zî bi hawayêkê aktîfî do erkê xo bîyarê ca, cewab bidê pawitişanê şehîdanê ma yê çêran û Rayberîye.

Bîlançoya şerî ya 2021î wina ya:

Hêrişê artêşa tirke;

Hêrişê bi çeka kîmyewîye: 367

Hêrişê bi obus û hawanan: 436

Hêrişê hewayî: 2025

Embazê ma yê ke şehîd bîyî û esîr kewtî;

Embazê ma yê ke şehîd bîyî : 298

Embazê ma yê ke esîr bîyî : 19

 

Çalakîyê gerîlayan;

Çalakîyê gerîla: 742

Çalakîya sereştişî: 2

Çalakîyê dafike: 2

Çalakîyê xoverdayîşê mîyanê dişmenî: 15

Çalakîyê hêrişî: 30

Çalakîyê hêzanê pawitişê hewayî: 43

Çalakîyê sekbanîye: 58

Çalakîyê gerîlayan ê koordîneyî: 64

Çalakîyê sabotajî: 112

Çalakîyê bi çekanê giranan: 160

Çalakîyê pirodayîşî: 256

Hûmara îşxalkeran ê kişteyan: 861

Hûmara îşxalkeran ê birîndaran: 128''