Goreyê xebera Ajansê Mezopotamya Baroyê Amedî derheqê rewşa Rayberê Şarê Kurdî Abdullah Ocalanî, tepişteyanê bînan ê Îmraliyî Omer Hayrî Konar, Hamîlî Yildiri û Veysî Aktaşî 26ê teşrîna peyêne de muracatê Wezîrîya Edaletî kerdbi.

Muracat seba ke şert û mercê Îmraliyî û binpaykerdişê heqan ê zîndanî tesbît bibê amebi kerdene. La mengêke ra zêde yo Wezîrîya Edaletî cewab nêda muracatî.

Endamê Heyetê Rayberdişî yê Baroyê Amedî Mehdî Ozdemîrî da zanayene ke eke wezîrîye 30 rojan cewab nêda no nêno a mana ke muracat ameyo redkerdene. Ozdemîrî ard ziwan ke Îmrali de tecrîdo mutleq esto û vat: ''Ma seba ke no tecrîd biqedo muracatê wezîrîye kerdbi. Tecrîdê Îmraliyî nika pêro zîndanan ra vila bîyo. Veranêdîyayîşê tepişteyanê nêweşan yan zî vêşnayîşê înfazê tepişteyan zî netîceyê nê tecrîdî yê.

Tirkîya de krîterê demokrasî raşta raşte pabesteyê Zîndanê Îmraliyî yê. Heta je tecrîd nêqedo demokrasî nêna. Coka ganî tecrîdê Îmraliyî cade bêro wedaritene.''