Merkezê Îrtîbatî û Çapemenîye yê HPGyî derheqê nasnameyê di şehîdan de eşkerayîye daye û nê pare kerdî:

''30ê temmuza 2021î de artêşa tirke vera warê Qendîlî bombarduman kerd. Netîceya nê hêrişî de hemrayê ma Argeş û Cîger yê ke semedê pawitişê erd û şarê xo tewrê Têgêrayîşê Azadîye yê Kurdîstanî bîyî, tewrê kerwanê şehîdan bîyî.

Nasnameyê embazanê ma yê şehîdan wina yê:

Nameyê Qodî: Argeş Zagros Name û Peyname: Peyman Şemşîrî Cayê Bîyayîşî: Kirmaşan Maye-Pî: Betule-Ferhad Tarîx û Cayê Şehadetî: 30ê Temmuz a 2021î / Qendîl

Nameyê Qodî: Cîger Efrîn Name û Peyname: Mûstafa Bekrî Cayê Bîyayîşî: Efrîn Maye-Pî: Halîme-Abdo Tarîx û Cayê Şehadetî: 30ê Temmuz a 2021î / Qendîl

Hemrayê ma Argeş bajarê Kirmaşanî yê Rojhilatê Kurdîstanî de ameyo dinya û bi kulturê welatperwerî û Yarasnî bîyo pîl. Hemreya ma Argeş 2 serrî Platformê Yarsanî de cagirewto û semedê pawitişê kulturê Yarsanî kede daya. Hemrayê ma Argeşo ke rîyê zextî ra şiyo Ewropa ûca de zî wayîrê nasname û kulturê xo vejîyayo. Bado ke felsefeya Rayberîye û partîya ma nas kerdî tewrê xebatan bîyo û dima ra zî 2017î de verê xo dayo koyanê azadan ê Kurdîstanî. Hemrayê ma Argeş wextêkê kilmî de biyo gerîlayo serkewte û seba ke hemrayê ci sey mîlîtananê serkêşan têkoşîn bikerî çîyo ke destê ci ra ameyo kerdo. Hemrayê ma Argeş do tim mîyanê têkoşînê ma de biciwîyo.

Hemrayê ma Cîger bajarê Efrînî yê Rojawanê Kurdîstanî de keyeyêko semedê Têkoşînê Azadîye yê Kurdîstanî bedelê pîlî dayî de ameyo dinya. Seba ke cayê ciwîyayîşê ci xora mîyanê Şorişê Kurdîstanî de bi partîya ma PKKyî nas kerda û bîyo sempatîzanê ci. Bitaybetî bi averşîyayîşê Şorişê Rojawanî gama şorişgêrîya aktîfe eşta û verî xebatanê ciwanîye dima ra xeylêk xebatanê muhîman de cagirewto. Wextê hêrişê dewleta tirke yê vera Efrînî de semedê pawitişê şarê xo şer kerdo û 2018 de tewrê sefanê gerîlayan bîyo. Hemrayê ma Argeşî her hela xo bi perwerdeyî ravêrnaye û xo her hetî resna. Hemrayê ma Cîger do tim mîyanê têkoşînê ma de biciwîyo.

Ma sere de keyeyanê ercîyayeyan ê embazanê xo Argeş û Cîgerî rê, pêro şarê welatperwerî yê Kurdîstanî rê serweşîye wazenê. Ma do mîrasê têkoşînî yo ke hemrayanê ma dewrê ma kerd bi serkewtişî tacîdar bikerê.''