Merkezê Îrtîbatî û Çapemenîye yê HPGyî nasnameyê şehîdêka YJA-Starî eşkera kerde. Eşkerayîye wina ya:

''Artêşa tirke ya îşxalkere destpêkê menga kanûne de Eyaletê Mêrdînî de dest pê operasyonêkê hîrayî kerd. Wextê operasyonî de kampêka 6 embazanê ma yê cinîyew kewte şer û 2 rojan nê warî de şer qewimîya. Embazanê ma yê cinîyan rayberîya Fermandara Herême embaze Hîra de xoverdayîşêko destanwarî kerd û tewirê cinîyan ê kurdan temsîl kerd. Nê şerî de 6 embazê ma yê ke bi ruhê Apogîrî şer kerdbi, şehîd bîyî. Eşkera bi ke nê şehîdan ra di embazî Hîra Ulaş û Sîmanure Kaya yê. Nasnameyê embazanê ma yê bînan dima ke eşkera bibê do bêrê parekerdene.

Nasnameyê embaze Hîra wina yo:

Nameyê Qodî: Hîra Ulaş

Name û Peyname: Denîze Orak

Cayê Bîyayîşî: Mêrdîn

Maye-Pî: Çîçeke-Huseyîn

Tarîx û Cayê Şehadetî: 15ê Kanûna 2021î / Mêrdîn

Embaze Hîra Nisêbîn de dadîya xo ra bîya. Embaze Hîra cigêrayîşan ra dima tercîhê xo azadîye de şuxilna. Embaze Hîra bi felsefeya Rayber Apoyî xeta Îdeolojîya Azadîya Cinîyan de şîye. Embaze Hîra pê perwerîyêka bêpeynîye pabesteyê partîya ma bîye. Aye tim xo aver berd û tecrubeyê xo embazanê xo de pare kerdî. Embaze Hîra wextêkê kilmî de bîye fermandara YJA-Starî. Aye sey Zap, Xakûrkê, Botanî xeylêk waranê Kurdîstanî de gerîlatîye kerde. A tewrê xeylêk çalakîyan bîye û derbê giranî dayî îşxalkeran ro. Embaze Hîra heta şehadetê xo bi kesayetê xo yê milîtanîye tewr vernî de şîye. Rayraşîyayîşo şorişgêr ê embaze Hîra do hetê ma embazanê ci ra bêro dewrgirewtene û bêro kerdene serkewtişî.

Embaz Hîra pê xoverdayîşê xo yê 21 serran hem têkoşînê azadîye de hem zî têkoşînê welatê azadî de pê erjanê xo bîye rayber. Ma sere de keyeyê ci yê ercîyayeyî rê pêro şarê welatperwerî yê Kurdîstanî rê serweşîye wazenê.''