Çarçewa tehqîqatê Serdozgerîya Mêrdînî de polîsan serê sibayî taxa Firatî ya Nisêbînî de eşt xeylêk keyeyan ser. Sereştişê polîsanê hêzan ê taybetan de 4 domanê 13-17 serrî zî tede xeylêk kesî ameyî destbendkerdene. Polîsan keyeyan de cigêrayîş kerd û dest na telefonan ser.

Sereştişê 12 keyeyan de domanî M.A. (16), F.A. (17), A.A. (15), H.E. (13) û ciwanê bi nameyê Hakan E. (19) ameyî destbendkerdene. Dîya zanayene ke F.A 10 rojî verî qezayê trafîkî de birîndar bibi, amelîyetî ra dima keye de tedawîya ci dewam kerdêne.

Destbendkerdeyî ameyî berdene bi Şubeyê TEMî yê Mudirîya Asayîşî.