Ozano kurd û dengbêjanê peyênan ê Sêrege ra Ayîbe Mistefa (Eyup Sabrî Kuçukbayrak) Anqara de şi rehm. Dengbêj Mistefa bi berhemê 'Ay delal ay' şinasîyayêne.

Kênaya Ayîbe Mistefa Devrane Ocuy pare kerd ke babîyê ci şîyo rehm. Devrane Oncu da zanayene ke babîyê ci nêweşîya qelbî ra 3 serrî yo tedawî dîyêne û cenazaya ci siba 09.00 de Goristanê Asli yê Sêwrege de do bêra definkerdene.

Devrane Oncu îfade kerd ke babîyê ci keso welatperwer bi û apê ci Unal Kuçukbayrakî 22ê teşrîna peyêne ya 1986î de wexto ke seba Konferansê 3. yê TKP-MLyî amadekarîye kerdêne pa 8 embazanê xo qezaya Pilemurîye ya Dêrsimî de şehîd bi. Devrane Oncu vat: ''Ma do babîyê xo hetê apê mi de defin bikerê. Wirdî zî kesê ercîyayeyî bîyî.''