Partîya Azadîye û Demokrasî ya Êzidîyan (PADÊ) bajarekê Sinûnî yê Şingalî de kombîyayîşêk kerd. Kombîyayîş de serebûtê sîyasî, xebatê partî û têgêrayîşê peyênî yê artêşa Iraqî ameyî ercnayene.

Kombîyayîş de ame vatene ke hêzê dişmenî vera komelê êzidîyan planê xo zêdînayî û ê wazenê îradeyê şarî bişiknê. Kombîyayîşî ra dima nameyê Komîteya Karanê Teberî ser o Silêman Hecîyî eşkerayîyêke daye.

Eşkerayîye de wina ame vatene: ''Ma venga Iraqî danê ke wa bigêro rayîranê dîyalogî û Şingal de alozîye mevejo. Çunke nê nêzdîbîyayîşî verê agêrayîşê bi Şingalî qefilnenê. Ganî Iraq verê hêrişanê Tirkîya bigêro. Hêrişî vera xebatanê sîvîlan û şexsîyetan yenê kerdene. Eşkerayîyê wekîlanê PDKyî xizmetê cuya hempare ya Şingalî nêkenê. Nê kesî zî xizmetê şarê Şingalî nêkenê û şarê Şingalî temsîl nêkenê.''