Koordînasyonê PAJKî  derheqê şehadetanê peyênan ê xoverdayoxanê zîndanan de eşkerayîye daye û vat rejîmo faşîst ê AKPyî û Amerîka, Îngîlîstan û welatê Ewropa yê ke meseleya kurdî nêvînayîşî ra yenê mesuldarê nê mergan ê.

 Eşkerayîya PAJKî de nê ameyî vatene: ''Seba ke polîtîkyê îmha, înkar û şerî yê caardene û meseleya kurdî nêvînayîşî ra yena her roje kurdî yenê mirênayene û zîndan de yenê cakerdene. Heta ke meselaya kurdî nêro çareserkerdene û rejîmê Tirkîya nêbo demokratîk do zextî dewam bikerê. Raştîya zîndanan raştîya sîyasîye ya tarîxê Komara Tirkîya ya. Zîndanî bîyî pirr û her roje kesê bînî tede yenê cakerdene. Zîndanî sey keyeyanê mergî yê tepişteyan yenê şuxulnayene. Kenê ke nê mergan sey çîyêkî normalî ramojnê. Ma do memusê nê tabloyê dehşetî. Tepişteyê sîyasîyî  bi serran o binê tecrîd û îzolasyonî de yenê tepiştene û mergî rê yenê caverdayene. Sey hemraya ma Garîba Gezer sey xokiştişî mojnenê û eşkera zîndanan de cînayetan kenê.

Heme heqê tepişteyan yenê binpaykerdene, raştê îşkenceyî yenê û nêweşîyê înan zafêr benê. Şehadetê nê hemrayanê ma vengdayîş o. Ganî wijdanê merdimîye bikewo dewre. Ganî heme şarê ma û raypêroyîye hîsgêr têbigêro ke zîndanan ra cenazayê bînî mevejîyê. Ganî heme dezgeh û rêxisinî wirzê payan ser.  Eke yewna welat de wina bibo îqtîdar yeno rijnayene.  Ma do memûsê mergan.  Hemrayê ma yê şorişgêrê ke zîndanan de semedê azadîye fedakarîye kenê şehadetê înan do bibo rijnayîşê rejîmê AKPyî. Rejîmo faşîst ê AKPyî û Amerîka, Îngîlîstan û welatê Ewropa yê ke meseleya kurdî nêvînayîşî ra yenê mesuldarê nê mergan ê. Têkoşînê ma yê hesabpersayîşî yê vera zorba û zaliman her wex do dewam bikero. Ma do hemleya xo ya ke bi şîarê 'Wextê Azadîya Rayber Apoyî yo'  yena domnayene pîlêr bikerê. Ma do AKPyî ra hesab bipersê û wayîrê hemrayanê xo yê zîndanan vejîyê. Ma do bi têkoşînî ser bikewê.''