Koordînasyonê PAJKî bi mesajêkî rojbîyayîşo 74. yê Rayberê Şarê Kurdî Abdullah Ocalanî fîraz kerd û soz da ke seba azadîya Abdullah Ocalanî têkoşînî berz bikerê.

Mesajê PAJKî wina yo:

''Rojbîyayîşê Rayber Apoyî seba cinîyan û merdimatîye ewro û ameyox o. Wayîrvejîyayîşê Rayberîye wayîrvejîyayîşê ewro, tarîx û ameyoxê xo yo. Azadîya Rayber Apoyî nê prosesî de zaf mesuldarîyan kena milê ma. Rojbîyayîşê Rayberê ma, rîpelê tarîxê merdimatîye de destpêkêko newe û averşîyayîş o, newe ra bîyayîşê têkoşînê azadîye yo. Paradîgmaya azadîya cinîyan zî kokê ney o. Rojbîyayîşê Rayber Apoyî seba cinî, ciwan û şaran wayîrê manayêka girînge yo.

Rayberê ma nê erdî de rayraşîyayîşê azadîye seba tarîxê xoverdayîşî û erjanê merdimatîye da destpêkerdene. Rayber Apoyî nê rayraşîyayîşî de şarê kurdî xelisna. Rayberîya ma bingeyê komelê azadî û cinîyanê azadan dadîya xoza ser o nayî ro. Seba ney ey têkoşînêko pîl vist werte. Kokê şorişê merdimatîye, têgêrayîşê şorişgêr û sosyalîstî serkêşîya Rayberîye de hêverî Kurdîstan de erzîyayî. Na paradîgmaya azadîye ewro seba pêro cinî û merdimatîye bîye çimeuê têkoşîn û hêvî.

Hêzê hegemonîkî seba ke verê raştîya Rayberîye bigêrê şerêkê pîlî kenê. Serra 75. ya rojbîyayîşê Rayberîya ma de no şero pîl bi hawayêkê çetinî dewam keno. Şexsê Rayberîya ma de zî vera cinîyan û komelî şero faşîst asta tewr berze de dewam keno. Ma sey cinî û şarê kurdî serra 51. ya têkoşînê azadîye de rojbîyayîşê Rayberîye fîraz kenê. Têkoşînê seba azadîya Rayber Apoyî merkezê têkoşînê ma yo.

Bi nê hîsan û bi na mesuldarî ma manayêka girane danê rojbîyayîşê Rayber Apoyî. Ganî her cinîya kurde pêro hêzê xo û îradeyê xo seba na mesuldarîya tarîxîye seferber bikera û seba azadîya Rayberîya ma şew û roja xo pê têkoşînî debikera.

Bi nê qerardarî ma bi coşî rojbîyayîşê Rayberîya xo fîraz kenê. Ma reyna bi hîs û dostîya cinîyan rojbîyayîşê Rayberîye fîraz kenê û soz danê ke seba azadîya ey têkoşînî berz bikerê.''