PDK Amedîyê de hêzêkê pîlî cakeno
PDK qezaya Amedîyê ya Dihokî ya nêzdîyê Vakurê Kurdîstanî de binê nameyê Yewinanê Pawitişê Sînorî yê Iraqî de hêzêkê pîlî kom keno.
Ame parekerdene ke PDKyo ke bi serran o paştî dano hêrişanê dewleta tirke hêzêkê pîlî noqtayanê nêzdîyê sînorê Vakurê Kurdîstanî de, Amedîyê de cakeno. Dîya zanayene ke PDK binê nameyê Yewinanê Pawitişê Sînorî yê Iraqî de keno ke hêrişanê dewleta îşxalkere meşrû bikero.
Şewa 20 û 21ê sibate de PDKyî hêzêko pîl ê Yewinanê Pawitişê Sînorî dewa Serzêrî ya bajarekê Kanîmasî ya Amedîyê de cakerd.
Şewa 20ê sibate de netîceya bombardumanê dewleta tirke ya îşxalkere yê vera Dihokî de 2 pêşmergeyî şehîd bibî.
Komîteya Têkilîyanê Teberî ya KCKyî bi eşkerayîyêke vizêr hişyar kerdbî ke PDK bi meşrûkerdişê sûcanê dewleta tirke Enfalêkê neweyî Kurdîstanî rê ferz keno. KCKyî venga pêro hêzanê Başûrî û dewleta Iraqî dabî ke vera nê hêrişan tewirêkî bigêrê.
