Hêzanê PDKyî 5ê kanûne de nêmşewe herêma Şêladizê de ver bi baregehê dewleta tirke yê Sîrê sewqîyato leşkerî kerd. PDKyo ke xîret keno ke waranê gerîlayan bigêro binê ablûqa vera hêrişanê DAÎŞî bêveng o.
Planê îşxalî yê dewleta tirke û hemkarîya PDKyî ya bi îşxalkeran vera zêdîyenê. Rojanê peyênan de cergê DAÎŞo ke dewleta tirke paştgîra ci ya, bi giranî hêrişê Kerkûkî kenê. Netîceya nê hêrişan de heta nika xeylêk pêşmerge û sivîlî şehîd bîyî.
Nê dîmenê ke çimeyêkê taybetî ra ameyê destvistene şewa 5ê kanûne de saete 00.00 de ameyê girewtene. Dîmenan de aseno ke sewqîyato leşkerî esto la no sewqîyat ver bi herêma Şêladizê yeno kerdene ke tede baregehê Sîrê yê artêşa tirke cakerde yo.
Çimeyî eşkera kerd ke xeylêk wesayîtê zirxînî û çekê giranî, çekdarê PDKyî sewqê na herême benê.
Dîmenan de tay roniştoxê herême nêrazîbîyayîşê xo mojnenê û vanê ''Şer deşte de yo, tîya de nîyo.''
Balkêş o, roja ke no sewqîyat ame kerdene HPGyî dabi zanayene ke ê amade yê ke şarê Kerkûkî bipawê.
