Gerîlayanê YJA-Starî Ronahî Herekol, Berfîne Enzel û gerîlayê HPGyî Yilmaz Garzanî bi wesîleya serrgêra 9. ya Qirkerdişê Parisî ANFyî rê qisey kerd û Sakîne Cansiz (Sara), Fîdane Dogan (Rojbîne) û Leyla Şaylemez (Ronahî) yad kerdî.

Gerîlayê HPGyî Yilmaz Garzanî vat: ''Embaze Sara tim sereberz û çêr bîye. Aye zîndanê Amedî de vera Esad Oktayî sere wedarit û zulmê dişmenî red kerd. Wexto ke zîndanî ra vejîyaye zî aye verê xo da Rayber Apoyî û koyanê azadan. Mumkîn nîyo ke merdim binê tesîrê aye de nêmano. Dewleta tirke waşt şexsê embaze Sara de pêro cinîyan qetil bikera. Nika bi hezaran cinîyî rayîrê Sara, Rojbîne û Ronahî xo rê kenê esas.''

Gerîlaya YJA-Starî Ronahî Herekol vat: ''Embaze Sara ma rê rayber a, fermandarêka pîl a û sembola têkoşînê cinîyan a. Têgêrayîşê azadîya cinîyan embaze Sara reyde dest pêkerd û nika pêro dinya ra vila bîyo. Ma xîret kenê ke wayîrê têkoşîn û keda Sara vejîyê. Embaze Sara embaza nêzdî ya Rayberîye bîye. Ma 2022 de hedef kenê ke Rayber Apoyî azad bikerê û bi nê hawayî xeyalê embaze Sara bîyarê ca. Ma venga pêro ciwan û şarê kurdî danê ke dormeyê gerîlayan de bêrê pêser, qesasê şehîdan bigêrê û azadîya Rayberîye bîyarê ca.''

Gerîlaya YJA-Starî Berfîne Enzel vat: ''Embaze Sara rayber, têkoşera cinîye ya verên a û embaza verêne ya Rayber Apoyî ya. Seba ma a wayîra manayêka girîng a. Embaze Sara xoverdayoxîya xo Zîndanê Amedî de mojnaye û verê têkoşînê ma kerdo roşnîye. Ma do qetî qesasê embaze Sara bigêrê. Emser ma bi destanê Garê dest pê têkoşînî kerd. 2022 de ma serfîrazîya xo biresnê leweyan. Ez venga pêro ciwananê kurdan danê ke bi ruhê embaze Sara têkoşînî bimojnê dinya û bi ruhê ey biresê serfîrazîye. Ma sey gerîlayan soz danê ke qesasê embaze Sara bigêrê û azadîya Rayber Apoyî bîyarê ca.''