Gerîlayanê HPG û YJA Starî bi wesîleya serrgêra 44. ya ronayîşê PKKyî ANFyî rê qisey kerd. Gerîlayanê ke bale ante muhîmîya PKKyî ser derheqê hedefanê xo de qisey kerd.

Gerîlaya YJA Starî Jîyanda Laşer ard ziwan ke 27ê Teşrîna Peyêne netîceya têkoşînê pîlî de vejîya werte û vat: ''No têkoşîn şexsê embazan Kemal, Mazlûm û Sarayan de dahîna zelal eyseno. PKK mîrasê nê hemrayan o û ewro embazê ma yê ke Avaşîn de bi hewayêkê qehremankî têkoşîn kenê nê mîrasî danê domnayene. Senî ke embazan Sara û Besê tarîxî rê serkêşîye kerde, hemrayan Sarya û Dîyana zî Avaşîn de têkoşîno tarîxî aferna. Embazan Cumalî, Mahîr û Çaverê Werxelê de têkoşîno xurt da. Tepê Sorî de embazî Zînarîn û Botan wayîrê ruhê tekoşînî yê PKKyî vejîyayî. Nê embazan reyna ruhê Apoyî têkoşînê xo de ramojna. Eke ruhê Apoyî bibo vînîkerdiş çîn o. Ma şerê xo yê dewleta tirke reyde no dahîna zelal dî. PKK hem semedê kurdan hem zî semedê şaranê dinya sembolê cesaretî yo. PKKyo ke bi têkoşînê xurtî ame ronayene heta ke resa na merhale bedelê zaf pîlî dayî.  No têkoşîn ewro koyan de hem zîndanan de dewam keno.''

Gerîlayê HPGyî Herekol Amedî bale ante têkoşîn û xoverdayîşî ke yenê domnayene ser û vat: ''PKK îfadeyê ganîbîyayîşê şarê kurdî yo. Nika wextê xelisyayîşê şarê kurdî yo. PKK têgêrayîşê qesasî yo. Ewro gerîlayî vera artêşêka tewr pîle ya NATOyî têkoşîn kenê. No têkoşîn do şarê kurdî rê serkewtiş bîyaro. Başûr de têkoşînê Rêber û Serhadan dewleta tirke bin fîna. Zendûra de dişmenî vînî kerd. Dişmeno ke bin kewt çekanê kîmyewîyan şuxulneno. Dewleta tirke û hêzê NATOyî wa hole bizanê ke no şer hema nêqedîya. Nê şerî ra do netîceya xurte bêro girewtene.''

Gerîlaya YJA Starî Zenda Amed zî 27ê Teşrîna Peyêne sey roşanî name kerd û vat: ''Na roje ganî sey Newroze bêro pîrozkerdene. PKK hela ronayîşî ra nata tim têgêrayîşêko  bitesîr o. Tim vera îşxlakeran têkoşîno xurt da. Ewro gerîlayê ke mewzîyan şer kenê, mîrasê têkoşînî yê Kemal, Hakî û Mazlûman domnenê.''

Gerîlaya YJA Starî Dicle Rojawan zî  zî vat: ''Şerêko zaf pîl esto. Dişmen rixmê heme îmkananê xo nêeşkeno gerîlayan. Rayberîye bi serran kede daye. Dişmen nêeşkeno na kede pûç vejê. Gerîla her ca de yo. Gerîla şar o. Coka gerîla nê şerî do çirey vîn nêkero. Armancê ma binfînayîşê dişmenî yo. Ma do bi ruhê Zîlane, Bêrîtane , Kemal û Egîdan şer bikerê û ser bikewê.''