Komîteya Paştdayîşê bi Keyeyanê Şehîdan a PKKyî eşkerayîyêka nuştekîye weşanaye û da zanayene ke gerîlaya PKKyî Pervîne Bozan (Amara Tolhildan) 25ê teşrîna verêne ya 2018î de şehîd bîye.

Eşkerayîye de nê çîyî ameyî vatene: 

''Nê wextê tarîxîyî de têkoşînêko bêhempa yeno kerdene. Îmrali de Rayber Apo vera sîstemê îşxalker û qirkerdişî xoverdayîşêkê tarîxîyî keno. Zap, Avaşîn û Metîna de û waranê bînan de tewiro fedayî yê Rayber Apoyî morê xo dano binê tarîxî. Tarîxê ma her roje bi tîpanê zerrnînan destananê qehremanan nusîyeno. Wayîrê nê tarîxî û mîsalê fedayîtî embazê ma yê çeperanê şerî yê. Dişmeno qirker û faşîst xeta hemkare û îxanetkare reyde vera nê xoverdayîşî mehkum o ke bin bikewo. 

Şarêkî zî bê bedelan xo nêresna azadîya xo û cuya rûmetêne nêvisto destî. Nê şehadetanê pîlan ra her yew beno estareyê azadîye û vernîya ma roşnî keno. Rayîrê raştikên rayîrê şehîdan o. Çend ke têkoşîn berz beno şehîdê ma zî hende bi erjanê giranan zerrîya şarê ma de heta peynîye ciwîyenê. Hêzê ma yo bingeyî şehîdê ma yê. Ma bi welatêkê azadî û şarêkê azadî eşkenê cewabêkê tewr raştî bidê vîrameyîşanê înan. Nê esasî ser o ma embaze Amara Tolhildan (Pervîne Bozan) bi rêzdî yad kenê û  soz danê ke welatêkê azadî awan bikerê.

Embaza ma Amara Tolhildan Herêmanê Pawitişî yê Medya de 25ê teşrîna verêne ya 2018î de netîceya laserî de tewra karwanê şehîdanê bêmergan bîye. Ma sere de keyeyê ci yê ercîyayeyî rê, pêro şarê Kurdîstanî rê serweşîye wazenê.

Embaza ma Amara Tolhildan Rojawanê Kurdîstanî de Kobanê de 1989 de dadîya xo ra bena û keyeyêkê welatperwerî de bena pîl. Keyeyê ci ra xeylêk kesî tewrê gerîlayan benê û nînan ra yew zî waya aye Rêhevale Gerîla ya. Rêheval 2014 de Kobanê de şerê vera DAÎŞî de tewra karwanê şehîdan bena. Naye ser o Amara 2015 de tewra şehîdan bena û çeka waya xo gêna xo destî. A zulm û zorbazîya vera şarê xo qetî qebul nêkena û seba şarê xo bi fedayîtîya Rayber Apoyî û bi kedkarî xebitîyena.

Embaze Amara mîyanê xebatanê ciwanan de ca gêna û rêxistinkerdişê ciwanan gêna xo ser. a wextê hêrişanê DAÎŞî yê vera Kobanê de zî verê xo dana Kobanê û bi hewayêkê qehremankîyî şer kena. A sey şerwanêka azadîye bi mîrasê şehîdan xeta PKK û PAJKî de bena şerwanêka jîhate. Embaze Amara mîyanê refanê azadîye de embazêka zerrînizm, fedakar, bimoral, bicoş û biheyecane bîye. Embaze Amara moral, hêvî dana embazanê xo. A her hela cuye de bi dîsîplînî xo perwerde kena û zaf wanena. Cigêrayîşê aye yê azadîye qet nêvindenê. A seba hêrsê xo yê vera dişmenî peynameyê xo kerdbî 'Tolhildan' (qesas). Armancê aye yo verên no bi ke sîstemê îşkenceyî yê vera Rayber Apoyî ra qesas bigêra û azadîya Rayber Apoyî bîyara ca.

Nê armancan ser o a pêro cuya xo de sey milîtanêka cinîye rayîrê raştîye de têkoşînêkê bêmanênî kena. Amara rêçê azadîye de bi felsefeya 'yew loqma yew xirqa' cuyêka sade û mutewazî ciwîyena û heta şehadetê xo perwera erjanê şehîdan bena. 

Cuya pêro embazanê ma yê şehîdan sey çirayêk a ke merdim pê ameyoxê xo roşnî keno. Komelo ke serê rêçanê şehîdan de bi hawayêkê raştî şino, wayîrê erj û tarîxê xo vejîyeno. Her kes eşkeno pê wayîrvejîyayîşê erjanê şehîdan serkewtişanê pîlan bivisno destî. Ma sey embazanê Amara û bi hezaran qehreman soz danê ke ma do vîrameyîşê şehîdan xo rê bikerê bingeyê awankerdişê welatêkê azadî, demokratîk û cuyêka têdûşte.

Name û Peyname: Pervîne Bozan

Nameyê Qodî: Amara Tolhildan

Nameyê Dayîke: ÎSLÎME

Nameyê Babî: MUHAMMED

Tarîx û Cayê Şehadetî: 1989 – Kobanê, Mewjik

Tarîxê Tewrbîyayîşî: 2015 -Kobanê

Tarîxê Şehadetî: 25ê Teşrîna Verêne ya 2018î / Herêmanê Pawitişî yê Medya de laser de şehîd bîye.