VASKÎya ke pabesteyê Şaredarîya Wanî ya, menga vîyarte de kuçeyê Yuzbaşiogluyî de borîyê awe newe kerdî. Na xebate ra esnafan hewteyêk karê xo vindarna.

Dima VASKÎ kuçe de her esnafî rê 1600 TL fatura birnaye. Esnafan mesele berde qeyûmê Wanî M. Emîn Bîlmezî. La qeyûmî esnafan rê vato ''Rewşa VASKÎ hol nîya, hetkarîya ci bikerê.'' 

Esnafê bi nameyê Faruk Demîrî vat: ''Mi rê 1400 TL fatura birîyaye. Xora janî ra ma cara mexdûr ê, wextê xebate de zî dikanê ma girewte bîyî. La reyna zî fatura ma rê birîyaye.''

Orhan Yavuzo ke kuçe de esnafîye keno vat: ''Mi rê 1600 TL fatura ameye birnayene. No karê şaredarîye yo, ganî şaredarîye ma ra pere mewaza.''