28ê Kanûne ya 2011î  de dewa Roboskî ya pabesteya qezaya Qilêbanî ya Şirnexî de bombardûmanê teyareyanê şerî yê dewleta Tirkî de 19ê înan qicî 34 kesî amebî qetilkerdene.

Şarê Roboskî  merdimê înan ke qirkerdiş de ameyî qetilkerdene  serrgêra 7. de anê vîrî.

Rixmê varayîşê vewre  keyeyan fotografê qicanê xo yê ke ameyî qetilkerdene girewtî û camîya dewe de ameyî têhet. Dewe de sey her wextî dej û hêrs esto. Dewijî virar şinê yewbînan ra û bi warkerdişê hesran  merdimanê xo yad kenî. Dewijî pawenê ke tesîrê vewre benî kêmî bo, ê do verê xo bidê goristanî.

Dewe reyna bine kontrolê cendirmeyan de ya. Dekewtişê dewe û goristanî de wesayîtî yenî vindarnayene û nasnameyê yenî kontrolkerdene.

Hemsereka Pêroyî ya HDPyî Pervîn Buldane zî tede xeylî parlementerî û temsîlkarê rêxistinanê sivîlan û avûkatî ewro dewe de do tewrê merasîm û aktîvîteyan  bibî.