Rixmê nêrazîbîyayîşê Neteweyan ê Yewbîyayeyan û rêxistinanê mîyanneteweyîyan Heyder Qurbanî şewdirê yewşemeyî hetê rejîmê Îranî ra Sine de amebi dardekerdene. Qurbanî pê 'endamîya Partîya Demokrate ya Kurdîstanî ya Îranî (PDK-Î)' û 'muxalefetê vera Îranî' ameyêne sûcdarkerdene.

Rojhelatê Kurdîstanî de vengdayîşe aktîvîstanê sîyasîyan ser xeylêk herêman de dikanî nêameyî akerdene.

Rêxistina Efû ya Mîyanneteweyî pare kerdbi ke dewaya Qurbanîyî de binpaykerdişî qewimîyayî, bi hawayêkê edîlî nêame muhakemekerdene û venga Îranî dabi ke bira îdamî vindarno.

Rêxistina Heqanê Merdiman a Îranî (ÎHR)a ke merkezê ci Oslo de yo, ardbi ziwan ke Qurbanî rê îşkence ameyo kerdene û bêdelîl cezaya îdamî dîyaya ci. Rêxistina Heqanê Merdiman a NYyî zî dardekerdişê Qurbanîyî şermezar kerd û vat: ''Rejîmê Îranî bi hawayêkê nimiteyî Heyder Qurbanî darde kerdo. Heqê ci binpay kerdê.''