Kampa Multecîyan a Şehîd Rûstem Cûdîyî (Mexmûr) de serrgêra 38. ya Roşanê Gandarbîyayîşî yê 15ê Tebaxe bi coşêkê pîlî ameye fîrazkerdene. Şayîya serrgêre Merkezê Kultur û Hunerî yê Mexmûrî de ameye kerdene.

Şayîye ra verî Hemsereka Meclîsê Şarî yê Kampe Fîlîze Budak derheqê girîngîya roje de qisey kerde. Fîlîze Budak vat: ''Ma Hemleya 15ê Tebaxe reyde hişyar û gandar bîyî, bîyî wayîrê îradeyî. Ma Mexmûrî ra selamê germî şawenê xoverdayîşê gerîlayanê Zap, Metîna û Avaşînî. Ewro ma bi estbîyayîşê gerîlayan payan ser de yê. Serkewtiş do ê gerîlayan bibo.''

Şayîye de mesajê Fermandarê Qerargehê MPŞyî Murat Karayilanî ame mojnayene.

Şayîye de hunermendê Kevana Zêrîne, koma Hêvîyên Zapê, Bager Medî vejîyayî sehne ser.

Şayîye de mesajê Tevgera Gora, Hizbî Şûî Kurdistan, Pêşmergeyanê Dêrînî û YNKyî ameyî wendene.

Peynîya şayîye de Hozan Comert û Hozan Pashawa vejîyayî sehne ser. Girseyî pê deyîran govende girewte.