Rojnameger û nuştox Mûsa Anter (Apê Mûsa) 1920 de dewa Zivingî ya qezaya Nisêbînî ya Mêrdînî de dadîya xo ra bîyo. Apê Mûsa 1959 de şîîra xo 'Qimil'î ra dewaya 49an de tepişîya. Dima ke zîndanî ra vejîya ey kovaranê Deng, Bariş Dunyasi û Yonî de nuşt. Mûsa Anter 1963 de newe ra tepişîya û 1967 de ame surgunkerdene. Darbeya 12ê Êlule de propagandaya kurdayetîye ra ancî tepişîya û 11,5 serran zîndan de mend.

 Dima ey Îlerî Yûrt, Dîcle-Firat, Bariş Dunyasi, Deng, Yon, Azadiya Welat, Yenî Ulke, Ozgur Gundem, Rewşen û Tewlo de nuşt. Ey 1959 de kitanê xo Birîna Reş, 1962 de Qimil, 1967 de Ferhenga Tirkî-Kurdî, 1991 de Biranînên Min 1-2, 1992 de Vakayîname, 1996 de Firat Bi Ser Marmarayê Diherike û 1999 de kitabê Çinara Min nuştî. 

Apê Mûsa 20ê êlula 1992yî de seba Festîvala Kultur û Hunerî şi Amed. A roje bi şuxilnayîşê ajanê MÎTî Tayfunî (Orhan Mîroglu), taxa Seyrantepe de Mûsa Anter hetê JÎTEMî ra ame qetilkerdene. Raporê Susurlukî de dîya zanayene ke suîkastê vera Anterî hetê Yeşîlî (Mahmut Yildirim) ra ameyo plankerdene û caardene.

Lajê ey Dîcle Anterî derheqê kitabê xo 'Apê Mûsa 100 Salî Yo' de ANFyî rê qisey kerd.

Dîcle Anterî pare kerd ke ey prosesê nuştişê kitabî de nasanê babîyê xo de qisey kerdo û vat: ''2020 serra 100. ya bîyayîşê babîyê mi bi. Mi bi hetkarîya Huseyîn Aykolî kitab weşana. Kurdî zafêr rojnamegerî, nuştoxî û roşnvîrîya babîyê mi şinasnenê la cuya ci ya taybete nêzanenê. No kitab îmkan dano ke babîyê mi her hetê xo ra bêro şinasnayene. 

Ewro mîrasê babîyê mi hetê xebatkaranê Çapemenîya Azade ra yeno caardene. Xebatkarê çapemenîya azade wayîrê têkoşînê babîyê mi vejîyenê. Babîyê mi zî çapemenîya azade ya kurdan zî do qetî nêrê vîrakerdene. Seba vîrameyîşê Mûsa Anterî ewro xelatê çapemenîye yenê dayene. Ewro beno ke çapemenîya azade ya kurdan rojanê zehmetan de ya la reyna zî xebitîyena. Ganî ma wayîra çapemenîya azade vejîyê.''