Gerîlayanê HPG û yê YJA Starî, derheqê Komployê Mîyanneteweyî yê 15ê Sibate de qisey kerd.

Canda Welat dîyar kerd ke Komployê Mîyanneteweyî, 9ê teşrîna verêne de dest pêkerd û vat, ‘‘Estbîyayîşê Rayber Apoyî seba sîstemî bîybî talûkeyêk û înan waşt ke bi esîrgirewtişê Rayberê Şarê Kurdî Abdullah Ocalanî, îradeyê kurdan bişiknê. Coka nê komployî afirna û raver berd.

Ma cinîyî deyndarê Rayber Apoyî yê. Rayber Apo seba têkoşîn û estbîyayîşê cinîyan zaf kede daye. Coka ma zî xo rê sey wezîfeyêk vînenê ke zorê nê komployî berê û do seba ney zî heta peynîye têkoşîn bikerê.’’

Xoverdayîş do zorê dişmenî bero

Gerîlayê HPGyî Egîd Nûdayî bale ante amancê komployî ser o û vat, ‘‘Amancê komployî o bî ke, îradeyê şarê kurd bişiknê û qir bikerê. La ewro ma vînenê ke amancê komployî nêresayo cayê xo. Xoverdayîşê Rayberî yê Îmraliyî îmkan nêda ke planê înan bireso cayê xo.

Ma mîlîtanê Rayber Apoyî û gerîlayê azadîye ma do bi xoverdayîş û têkoşînê xo zorê Komployê Mîyanneteweyî berê.