Kampa Bextwaştoxan a Şehîd Rustem Cûdî (Mexmûr) de seba serkêşanê Têgêrayîşê Azadîya Cinîyan ra Raperîne Amed (Delal Azîzoglu) û Fermandara YJA Starî Ronahî Penaber (Aysele Bayhan), çadirê şînî ame ronayene.

Şar û endamê meclîsê kampe, seba ke serweşîye biwazê zîyaretê çadirê şînî kerd. Nameyê endamanê meclîsanê kampe, Hemşaredarê Mexmûrî Bedran Pîranî qisey kerd. Vernîya qiseykerdişî de deqayêk rêze ameye girewtene.

Bedran Pîranî heme şehîdanê azadîya şarê kurdî ard vîrarden û wina vat; ‘‘Ma se vajê zî seba şehîdanê ma kêmî yo, seba ke canêkê şehîdanê ma est bî û o zî seba berdelê azadîye feda kerd, çîyo ke keweno milanê ma ser, girewtişê beyraqê înan o. Berpirsyarîya ma ya nikayin a ya ke ma hedef û xeyalanê şehîdanê xo biresnê netîce.  Wa sereyê şarê ma weş bibo’’

Nameyê keyeyanê şehîdan Ronahî Penaber, pîyê şehîd Ronahî Emîn Bayhanî qisey kerd û vat, ‘‘Ma keyeyê şehîdê xo rê serweşîye wazenê. Ma nêeşkenê şehîdanê xo ser çîyêk vajê, cunke ma se vajê zî do kêmî bimano. Wa sereyê şarê ma weş bibo.’’

Qiseykerdişî ra dima sloganê ‘Şehîdî nêmirenê’ û ‘Bê serekî cuye nêbena’ ameyê vatene.