Komêka ciwanan çarçewa Hemleya 'Werin Cenga Azadîyê' û bi wesîleya serrgêra 44. ya ronayîşê PKKyî tewrê gerîlayan bîye.

Ciwanan bi eşkerayîyêke pare kerd ke ê vera hêrişanê dewleta tirke bi wesîleya serrgêra ronayîşê PKKyî tewrê gerîlayan bîyî. Ciwanan eşkerayîye de verî Rayberê Şarê Kurdî Abdullah Ocalan selam kerd, şehîdî yad kerdî û na eşkerayîye daye:

''Ganî hêzê îşxalkerî bizanê ke ê do hesabê asîmîlasyon, qirkerdiş, talan û hêrişanê îşxalî yê vera kurdan û Kurdîstanî bidê. Her keyeyo ke ame vêşnayene û xerakerdene, her welatperwero/a ke ameyo/ya qirkerdene ma rê do bibo/a sebebê qesasî.

Cizîre ra heta Nisêbînî, Sûrî ra heta Şirnexî ma şehîdê xo yê çêrî xo vîr a nêkerdî û do xo vîr a nêkerê. Ma deyndar ê înan ê. Eke rejîmo faşîst bêro rijnayene no xêrê netîceya têkoşînê şehîdan ê xoverdayîşê xoîdarekerdişî Çiyageran, Zeryanan û Axînan ra yo. Gerîlayê ke pê nê ruhî Zagrosan ra heta Dêrsimî şer kenê, derban danê rejîmê faşîstî ro. Ma zanenê ke cepheyo tewr verên ê têkoşînê vera faşîzmî warê gerîlayan o. Waro ke têkoşînê azadîye bi hawayêkê tewr aktîfî tede yeno kerdene warê gerîlayan o.

Derso ke ma tarîxê PKKyî yê 43 serrî ra girewto no yo ke tek rayîrê riijnayîşê faşîzmê AKP-MHPyî şoriş o. Nê esasê armancê caardişê azadîya Rayberîye ser bi wesîleya serrgêra 44. ya ronayîşê PKKyî ma vanê ke pê ruhê serkewtişî ma do tewrê PKKyî bibê û qetî serkewtişî bîyarê ca.

Nê esasî ser o semedo ke ma têkoşîn bikerê û rejîmê faşîstî çin bikerê, têkoşînî ser bivisnê tewrê gerîşalan benê. Çarçewa Hemleya 'Wext wextê azadîye yo' de ma venga pêro kesan danê ke bi Hemleya 'Werin Cenga Azadîyê' tewrê gerîlayan bibê.''