Gerîlayanê HPGyî û YJA Starî serrgêra Komployê Mîyanneteweyî yê vera  Rayberê Şarê Kurdî Abdullah Ocalanî de komplo û tecrîdê Îmraliyî ercnayî.

Gerîlaya YJA Starî Arjîne Botan: Seba ke Rayberîye şarê kurdî koletîye ra xelisna, raştê nê komployî ame. Îşxalkeran çirey estbîyayîşê kurrdan û Rayberê ci qebul nêkerd. Înan vat qey sey serewedaritişanê verênan ê kurdan, çend aşman de hal kenê. La PKK xeyrê Rayberîye û şehîdanê xo bi serran o têkoşîn keno. Ganî heme kurdî wayîrê Rayber û welatê xo vejîyê. Ma do heta azadîya fîzîkîye ya Rayberîye têkoşîn bikerê.

Gerîlaya YJA Starî Rocenge Tolhildan: Tecîrê serê Rayberîye vera heme kurdan yeno kerdene. Wa dişmen hole bizano ke, no têkoşîno ke Rayber Apoyî dayo destpêkerdene, do heta serkewtişî dewam bikero. Dişmen seba ke vera gerîlayan nêeşkeno aver şiro, heme metodan şuxulneno la Rayberîye heme hêrişanê înan pûç keno. Ma sey gerîlayanê azadîye, ma do heta azadîya fîzîkîye ya Rayberîye têkoşîn bikerê.

Gerîlaya YJA Starî Vejîne Zagros: 15ê Sibate semedê heme kurdan roja tarî ya. Dişmen pê tecrîdê Îmraliyî, komployî dano domnayene. Ma sey gerîla û şarî do têkoşînê xo xurtêr bikerê û azadîya fîzîkîye ya Rayberîye bîyarê xa. Ma do pê têkoşînê ke Zap, Avaşîn û Metîna de vejîya werte, tecrîdî bişiknê û Rayber Apoyî azad bikerê. Ez venga heme ciwananê kurdan dana; roje roja tewrbîyayîşê sefanê gerîlayan û têkoşînî ya.

Gerîlayê HPGyî Bextiyar Amed: Seke yeno zanayene Komployê Mîyanneteweyî 24 serrî xo dima verdayî. Hêzanê hegemonîkan waşt bi komployî Têgêrayîşê Azadîye û kurdan tesfîye bikerê la nêrasayî hedefê xo. Komplo bi têkoşînê Rayber Apo û Têgêrayîşê Azadîye ame betalkerdene. Ma do semedê azadîya fîzîkîye ya Rayber Apoyî têkoşînî xurtêr bikerê.

Gerîlayê HPGyî Rûbar Efrîn: Ma do bi ruhê şehîdanê şorişî  şer bikerê û dormeyê Rayber Apoyî de bibê çemberê adirî. Ma ewro têkoşîno ke Zap, Avaşîn û Metîna de yeno dayene, esas genê. Ma reyna soz danê ke ma do komployî bi temamî betal bikerê û azadîya fîzîkîye ya Rayberîye bîyarê ca.