Sereştişî ra dima berê KCDyî ame morkerdene
Amed de berê bînaya KCDyî ya ke polîsan eştbi ser, ame morkerene.
Fermanê Serdozgerîya Komare ya Amedî ser o serê sibayî polîsan eştbi bînaya KCDyî ser û dest nabi xeylêk dokumentan ser. Polîsan berê KCDyî şikitbi û dekewtbi zere. Cigêrayîşî heta nêmroje dewam kerd. Cigêrayîşî ra dima polîsan berê KCDyî mor kerd.
Polîs û makîneyê zirxînî zî verê berê KCDyî de ameyî cakerdene. Çarçewa tehqîqatê KCDyî de derheqê 64 kesan de bira tepiştişî ameye dayene û heta nika 42 kesî ameyî destbendkerdene.
