Fermandaranê Yewinanê Rojhelatê Kurdîstanî (YRK) ra Amed Serhedî derheqê serrgêra Hemleya 15ê Tebaxe de ANFyî rê qisey kerd.

Qiseykerdişê Serhedî ra beşêk wina yo:

''Hemleya 15ê Tebaxe tarîxê ma de xeylêk erjî awan kerdî. No zî xêrê Rayber Apoyî ra bi. Ewro vera Rayberîya ma hêrişê giranî yenê kerdene la Rayberîye bi tewir û xoverdayîşê xo nê hêrişan pûç kena. Embaz Egîdî Hemleya 15ê Tebaxe de rolê pîlî ardî ca. Ewro fermandarê kurdan rêçê ey ser de yê. Şar û şerwanî xeta ey ser de xo rêxistin kenê û Hemleya 15ê Tebaxe sey roşanêkê erjan û fîrazî vînenê. 

Hemleya 15ê Tebaxe vera zulm û qirkerdişî serewedaritişêk bîye û Kurdîstan de ruheko newe awan kerd. Dişmenê kurdan nika zî wazenê kurdan qir bikerê. La ganî dişmen bizano ke Kurdîstan de şerwanî serê rêçê ruhê Egîdî û felsefeya Rayber Apoyî de têgêrenê. Seba erjanê têkoşîn û xoverdayîşê Kurdîstanî heta nika zag bedelî ameyî dayene û xeylêk ciwanan nê oxirî de ganê xo dayî. Şarê kurdî xêrê Hemleya 15ê Tebaxe ra xo şinasna, bi wayîrê îrade û ferasetî. Ma do bi ruhê 15ê Tebaxe Kurdîstan de serkewtişanê pîlan bivisnê destî. Heta ke Rayber Apo azad bibo ma do derbanê giranan bidê dişmenî ro. Senî ke Fermandarê Pîlî embaz Reşîdî vat 'Têna dişmen nê ganî versîya dişmenî zî nê erdî de nêmana', ma bi nê ferasetî têgêrenê. Şerwanê kurdî do koletîya ke yena ferzkerdene qebul nêkerê.''