Gerîlayanê HPG û YJA-Starî derheqê çalakîyanê xo û hêrişanê îşxalî yê dewleta tirke de ANFyî rê qisey kerd.

Botan Ûrfa: Dişmen xîret keno ke binkewtişê xo binimno la nêeşkeno ser bikewo. Dişmenî vatêne 'Ez do mîyanê 24 saetan de biqedîna' la 6 mengî yo nêeşkeno aver şora. Dişmen pêro çekanê NATOyî şuxilneno la pê gerîlayan nêeşkeno. Vera nînan verê ma de têna rayîrêk esto, o zî xoverdayîş o. Têna yew armancê ma esto, o zî serkewtiş o. Ma do ney bîyarê ca.

Stêrk Amed: Embazê ma vera dişmenêkê barbarî şer kenê. Şerê ma şerêko îdeolojîk o. Dişmen têna vera gerîlayan nê vera pêro kurdan şerêkê topyekûnî keno. Ma ewro nê waranê şerî de îsbat kenê ke gerîlayî do bin nêkewê. Heta ke ma şorişî bîyarê ca û Rayberîya xo azad bikerê şer kenê. Ez bi taybetî venga ciwanan dana ke pê roniştişî û pawitişî şoriş nêno caardene, azadîye nêna caardene.

Avesta Cûdî: Şarê kurdî rê qirkerdişêko pîl yeno ferzkerdene. Vera hêrişanê namerdan ma xo ver danê. Dişmen wexto ke fam keno bin keweno zêdêr barbar beno. Ma destûr medê ke dişmen erdê ma de bimano. Ma rê rûmet o ke semedê erjanê xo şer kenê. Tarîx nê rojan de nusîyeno. Xoverdayîşê ma do ser bikewo. Wa ciwanî zî verê co bidê rayîrê xoverdayîşî û tewrê gerîlayan bibê.