Zîndanê Wanî de tepişteyo sîyasî Cahît Abukan 12 serrî yo tepişîyeno. Cezaya ke bi îdîaya 'endamîya rêxistine' û 'propagandaya rêxistine' dîyabî ci 14ê çeleyî de qedîyena. Labelê rixmê ney zî bi raporê ''Heyetê Çimdarîye û Îdareyî yê Zîndanî'' vera nêdîyeno.

Avûkat Cahît Abukan Servet Ozkanî pare kerd ke cezaya ke dîyabî muwekîlê ci qedîyaya ganî o biameyêne veradayene la îdareyê zîndanî bi veranêdîyayîşî sûcî keno.

Ozkanî vat: ''Bi beyananê keyfîyan muwekîlê mi vera nêdîyeno. Ma vera bira îdareyê zîndanî têgêrenê û ma gerreyê heyetî kerd.''