Şertê zehmetî yê zîndanî bîyî sebebê şehadetê yewna tepişteyî. Mustafa Nesanirê ke mabanê seranê 1993-2020î de dewaya PKKyî ra zîndan de mend vizêr serê sibayî Dîlok de dinyaya xo bedilnaye.

Nesaniro ke 1974 de Dîlok de ame dinya hema ke 18 serre bi ame tepiştene û 45 serran de zîndanî ra vejîya. Zîndananê Dîlok, Meletî, Semsûr, Gumgum, Silifke, Amasya, Erzirom, Yozgat, Antalya û Amedî de mend. Bado ke zîndanî ra vejîya nêweş kewt, yew serra ke vera kanserê qeseba sipîye xover dayêne. Semedê Nesanirî do roja sêşemeyî bajarekê Narli yê Pazarcixî de merasîm bêro kerdene û eynî roje dewa Usane Jêrî de bêro definkerdene.