Koyanê Kurdîstanî de şerê mabênê gerîlayanê azadîye û artêşa tirke ya îşxalkere roje bi roje giranêr beno. Îqtîdarê AKP-MHPyî îmkanê dewleye seba çinkerdişê gerîlayan şuxilnayî. Teknolojîya moderne reyde artêşa îşxalkere gazê jehrînî zî vera gerîlayan şuxilnayî.

Gerîlayan zî seba çinkerdişê teknîkê dişmenî roje bi roje tedbîrê xoserî girewtî û taktîkê neweyî afernayî. Nê taktîkanê neweyan morê xo da binê prosesê peyênî ro û artêşa tirke teng kerde. Nameyê nê taktîkan tunelê şerî yê.

Tunelê şerî yê ke teknolojîya artêşa tirke pûç kerdî, bi kedêka pîle ya gerîlayan virazîyayî. Tunelê şerî bi rayîrê hacetanê pîlan ê karî, pê qulkerdişê texte û kerrayan virazîyayî û gerîlayan ra bîyê warê neweyî yê xoverdayîşî.  

Seba viraştişê nê tunelan gerîlayî bêmabên xebitîyenê. Gerîlayî pê qulkerdiş û teqnayîşê zinaran aver şinê. Her teqnayîşî ra dima kerrayan pê destanê xo vejenê. Fotografan de dîyeno ke gerîlayî pê hacetanê karî zinaran qul kenê û dima zî herre û kerrayanê ke zinaran ra manenê pakî kenê.