Domano kurd Ugur Kaymaz û babîyê ci Ahmet Kaymaz 12ê teşrîna peyêne ya 2004î de verê berê xo de hetê polîsanê tirkan ra ameybî qetilkerdene. Ugur Kaymazo 12 serre pê 12 fîşekna amebi qetilkerdene.

Ugur Kaymaz û babîyê ci Ahmet Kaymaz goristanê Ataturkî de serê goranê xo de ameyî yadkerdene. Endamê rêxistinanê BDP û HDPyî, endamanê Meclîsê Mayanê Haştîye, Komeleya Paştdayîş û Hetkarîya bi Kesanê ke Merdimê xo Dergûşê Medenîyatan de Vînî Kerdî (MEBYA-DER) û keyeyê Kaymazî zî tewrê vîrameyîşî bîyî.

Hemserekê HDPyî yê Mêrdînî Salîh Kudayî merasîm de qisey kerd û îfade kerd ke pê eşkerakerdişê kerdişan û cezakerdişê kiştoxan verê kişîyayîşê domanan wa bêro girewtene.