Merkezê Îrtîbatî û Çapemenîye yê HPGyî nasnameyê hîrê şehîdanê Zapî eşkera kerdî. Eşkerayîye wina ya:

‘’Serra 2024î ya ke meymandarîya xoverdayîşêka tarîxî kerda û tede fedayîtîye asta tewr pîle de bîya, tede embazê ma Arjîne, Zeryane û Baran wextanê cîyayan de şehîd bîyî. Ma embazanê xo yê şehîdan bi rêz û minetî yad kenê û soz danê ke xeyalanê înan bîyarê ca.

Embazanê ma Arjîne, Zeryane û Baranî xo seba azadîya şarê xo feda kerd û sey rûmetanê şarê ma tarîx de cayê xo yê rûmetênî girewtî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma verê şehîdanê xo de rîyê xo bi rêz û minetî anê war.

Nasnameyê embazanê ma yê şehîdan wina yê:

Nameyê Qodî: Arjîne Mîrza Name û Peyname: Gulsune Tan Cayê Bîyayîşî: Şirnex Maye-Pî: Mevlude – Salih Tarîx û Cayê Şehadetî: 19ê Êlula 2024î / Zap

 

Nameyê Qodî: Zeryane Deniz Sarya Name û Peyname: Esra Temel Cayê Bîyayîşî: Îstanbul Maye-Pî: Zahîde – Osman Tarîx û Cayê Şehadetî: 28ê Teşrîna Verêne ya 2024î / Zap

 

Nameyê Qodî: Baran Zîlan Name û Peyname: Eyub Mubarekî Cayê Bîyayîşî: Dewlan (Sine) Maye-Pî: Ferîşte – Muhammed Saîd Tarîx û Cayê Şehadetî: 19ê Êlula 2024î / Zap

 

Embaza ma Arjîne Silopîya de dadîya xo ra bena. A 2009 de tewra xebatanê ciwanan bena û hêrişanê DAÎŞî ra dima 2013 de zanîngehî verdena, tewra gerîlayan bena. A seba ke hemşîretîye wendêne koyan de zî tedawîya embazanê xo rê ardim kena. 2016 de a tewra Hêzanê Taybetan bena. Embaza ma bena şerwanêka YJA-Starî ya marîfetîne. A Herêma Şehîd Delîlî ya Rojawanê Zapî de bena wayîra kedêka qîmetêne. 

Embaza ma Zeryane keyeyêkê meletîyîjî de Îstanbul de dadîya xo ra bena. A wextê zanîngehî de kewena peyê cigêrayîşan û dima 2015 de verê xo dana koyan. Embaza ma Zeryane perwerdeyî ra dima derbazê waranê şerî yê giranan bena. A 2017 de tewra Hêzanê Taybetan bena. A 2022 de derbazê Herêma Şehîd Delîlî ya Rojawanê Zapî bena û tîya de tunelanê şerî de xo ver dana. Embaza ma qesasê pêro  cinîyan ê kurdan gêna. 

 

Embazê ma Baran şaristanê Sine yê Rojhelatê Kurdîstanî de dadîya xo ra beno. O 2003 de gerîlayan şinasneno. Şorişê Rojawanî û hêrişanê DAÎŞî ra dima zî 2018 de verê xo dano koyan. O cade adapteyê koyan beno. Embazê ma Baran dima tewrê Hêzanê Taybetan beno û Herêma Şehîd Delîlî ya Rojawanê Zapî de erk keno. Embazê ma Baran bi kesayetê xo embazanê ma rê beno nimûne û pêro erk û mesuldarîyanê xo ano ca.’’