Vera bînaya HDPyî ya Riha ya ke hetê polîsan ra tim yena teqîbkerdene, şewe saete 02.30 de hêrişo nîjadperest ame kerdene. 3 hêrişkeran berê bîna nîşan kerd û pê boya sembolê Ocaxê Ulkucuyan xêz kerd.

Faşîstan serê dêsê bîna ra nuşteyê nîjadperestî nuştî. Dîmenê hêrişî hetê kamerayanê bînayan ê bînan ra ameyî qeydkerdene la semedo ke destûrê serdozgerîye çinbi dîmenê nêdîyayî partîgîran.

Hemsereka HDPyî ra Riha Çîgdeme Karakeçîlî pare kerd ke xebatkarê/a înan serê sibayî hêriş ferq kerd. Hemsereke Karakeçîlîye vat: ''Kam bêro bîna polîsî tira GBT wazenê la 3 kesî eşkenê bêrê hêrişê bîna bikerê. Ê nê cesaretî kamî ra gênê? Wa nê hêrişkerî bizanê ke ma do têkoşînê xo pîl bikerê. Zîndanan de bi hezaran embazê ma estê. Ma tim vera nê hêrişan xo ver da û ma do xo ver bidê.''