Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û xoverdayîşê gerîlayan de eşkerayîye daye.  HPGyî vat: ''Hêzanê ma çarçeweya Hemleya Şorişgêre ya Bazanê Zagrosî de Avaşîn û Zap de her ca açarnayo warê xoverdayîşî û têdima derbeyan dano îşxalkeran ro.''

Eşkerayîya HPGyî wina ya:

Herêma Avaşînî

''19ê nîsane de Warê Xoverdayîşî yê Werxelê de îşxalkerî hetê hêzanê ma yê YJA Starî ra pê çekanê giranan ameyî prodeyene. Netîceya çalakîya serkewtîye de 10 îşxalkerî ameyî cezakerdene û 2ê înan bîrîndar bîyî.  Eynî roje saetanê veraşanî de eynî ca de îşxalkerî di rey bi taktîkê sabotajî ameyî pirodayene. Na çalakîye de 2 îşxalkerî ameyî cezakerdene.

Herêma Zapî

17ê nîsande Girê Şehîd Ciwanî yê Warê Xoverdayîşî yê Karkerî de helîkopterê ke waştêne îşxlakeran tîya ronê hetê hêzanê ma ra ame hedefgirewtene û mecbûr mend ke peyser agêro.

18ê nîsane de îşxalkeranê ke waşt Warê Xoverdayîşî yê Karkerî de mewzîyanê xo virazî hetê hêzanê ma ra pê taktîkê suîqestî ameyî pirodayene, îşxalkerêk ame cezakerdene. Eynî roje warê Cîloya Biçûkî û qirrika Şehîd Şahoyî ra îşxalkeranê ke waşt ver bi warê Girê Şehîd Tufanî aver şirê 2 rey pê çekanê giranan ameyî pirodayene û verê înan ame girewtene. Reyna çalakîya Warê Xoverdayîşî yê Werxelê de zî îşxalkerêk ame cezakerdene. Gîrê Şehîd Agîrî yê Warê Xoverdayîşî yê Şehîd Rûstemî de zî îşxalkerî ameyî pirodayene, îşxalkerêk ame cezakerdene. Îşxalkeran 3 rey cehd kerd ke debikewê Warê Xovrdayîşî yê Kunîşka la gerîlayan destûrê înan nêda. Naye ser o îşxlakerê ke peyser ancîyayî herême da bombayan ver.

19ê nîsane de Girê Şehîd Ciwanî yê Warê Xoverdayîşî yê Karkerî droneyêk ame derbkerdene.  Eynî roje Girê Şehîd Tufanî de îşxalkerî bi taktîkê sabotajî ameyî pirodayene, 3 îşxalkerî ameyî cezakerdene. Girê Şehîd Ciwanî yê Warê Xoverdayîşî yê Karkerî de zî îşxalkerî pê çekanê giranan ameyî pirodayene, 6 îşxalkerî ameyî cezakerdene û 4ê înan birîndar bîyî. Îşxalkerê ke Şêladizê ke binê kontrolê PDKyî de yo ra kewtî rayîrê Warê Xoverdayîşî yê Kurêjahroyî, tîya ra waşt Girê Şehîd Şemdînî de mewzîyanê xo ronê. Hêzanê ma bi taktîkê sabotajî da piro, 2 îşxalkerî ameyî cezakerdene . Têgêrayîşê dormeyê Şêladizê dewam keno. Îşxalkeranê ke waşt xo Girê Şehîd Çîyagerî yê Warê Xoverdayîşî yê Kurêjahroyî de ca bikerê hetê hêzanê ma yê YJA Starî ra ameyî pirodayene, 2 îşxalkerî ameyî cezakerdene. Eynî warî de çalakîya binê ya YJA Starî de yewê ci payeberz 5 îşxalkerî ameyî cezakerdene. Warê Kunîka de zî  badê mudaxaleyê hêzanê ma îşxalkerî peyser ancîyayî. Çalakîya sabotajî ya Girê Şehîd Harûnî de îşxalkerêk ame cezakerdene.

17 û 18ê nîsane Waranê Xoverdayîşî yê Zap Kurêjahro, Karker, Şehîd Şahîn, Çemço, Sîda, Rênçbiraxa û Şikefta Birîndara hetê qereqolanê sînorî ra pê obus û teyerayanê şerî 47 rey ameyî bombardumankerdene. 18ê nîsane de warê Girê Cûdî, Girê Amedîye û Girê FMyî hetê qereqolanê xeta sînorî ra pê obusan teyarayanê şerî 19 rey dîyayî bombayan ver. Eynî roje herêma Metîna de Girê Hakkarî hetê qereqolanê xeta sînorî ra pê obusan û teyarayanê şerî 6 rey ame bombardumankerdene.''