Samî Tay 31ê tebaxa 2021î de wexto ke Parka Haştîye ya Musa Anterî ya qezaya Rêya Armûşê ya Wanî de telefonê xo ra deyîra ''Erdalê Pirsûsî'' goşdarî kerdêne polîsî ameyî hetê ci û nasnameyê ey kontrol kerd. Dima polîsan Tay destbend kerd û îfadeyê ci girewt. Tay vera dîya la polîsan dest na telefonê ci ser dima zî derheqê ci de bi îdîaya 'endamîya rêxistine' îdîaname amade kerd.

Mehkemeya Cezaya Girane ya Wanî îdîaname qebul kerd. Îdîaname de açarnayîşê deyîre esto û yeno îdîakerdene ke Tay paştî dano rêxistine û coka nê muzîkî goşdarî keno.

Îdîaname de yeno waştene ke cezaya zîndanî ya 10 serran ra heta 5 serran bêra dayene Tayî.