Wargehê KYKyî yê Îdirî de çalakîyê şermezarkerdişî dewam kenê
Wargehê KYKyî yê Îdirî de çalakîyê wendekaran dewam kenê. Polîsan wendekaran rê gef wend û vat: ''Ma fotografê şima girewtî, şima do bivînê.''
Mengêke ra nata Wargehê Dezgehê Kredîyan ê Dewlete (KYK) yê Îdirî de wendekarî werdî pê çalakîyan şermezar kenê. Goreyê agahîyan îhaleya werdî dîyaya fîrmaya terefgîra îqtîdarî, werd hol nîyo û zaf vay o.Wendekaran vat ke vaya werdî tewr tay 8.5 TL yo.
Çalakîyan ser o Serekê Baskanê Ciwanan ê AKPyî yê Îdirî Muhammet Çaglarî waşt ke ciwanan de pêvînayîş bikerê. Çaglar polîsan reyde dekewt zereyê wargehî. Wendekaran pê sloganê 'Sîyaset wa vejîyo teber' Çaglar protesto kerd.
La polîsan mudaxeleyê wendekaran kerd û gef wend. Polîsan vat: ''Ma fotografê şima girewtî, şima do bivînê.''
Wargeh de çalakîyî dewam kenê.
