Başûrê Kurdîstanî de wendekarê zanîngehan çalakîyanê protestoyî rê dewam kenê.

Wendekarî reyna Silêmanî, Ranya, Qeladiz, Koye, Germîyan û Helepçe de verê kampusanê zanîngehan de ameyî yewca. Wendekaran pê sloganan heqê xo waştî.

Wendekarî krîzê ekonomîkî yê 2014î ra nata nêeşkenê bursanê xo bigêrê.

Wendekarê ke bi rojan o çalakîye de yê, raştê hêrişanê hêzanê asayîşî ameyî û tay wendekarî zî ameyî destbendkerdene. Wendekarî qerardar ê ke heta ke waştişê înan bêrê caardene çalakîyan rê dewam bikerê.