27ê sibate de 29 endam û îdarekarê Komeleya Kultur, Yewîye, Paştdayîş û Hetkarîye yê bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER) ameybî destbendkerdene.

Wextê nezaretî yê hemserekan Şeyhmus Karadag û Yuksele Almas û Murat Uzgun, Emîne akyos û Ayşe Çelîkbîlek qasê 4 rojanê bînan ame dergkerdene. 3ê adare de zî wextê nezaretî yê înan amebi dergkerdene.

Nameyê destbendkerdeyan wina yê: Halime Topuz, Aziz Olçen, Aysele Pehlîvan, Mehmet Nur Savaş, Mustafa Karahan, Sait Borta, Ayşe Tutmaz, Hulya Varan, Mehmet Yildiz, Fehîm Azak, Yildize Damla, Mustafa Uyguner, Taylan Aslan ve Hîdayet Aslan.

Dîya zaneyene ke Savaş, Pehlîvan, Tutmaz û Olçenî heqê xo yê bêvengîye şuxilna, coka zor dîyeno înan ke îfade bidê.

Cinîyan ê destbendkerdeyan pê rayîrê avûkatanê xo seba 8ê Adare no mosaj da: ''Ma cinîyê azad û kedkar ê. 5 hezar serrî yo vera sîstemê serdestîya camêrdan ma xo ver danê. Biciwîyê cinîyê azadî. Biciwîyo 8ê Adare.''