Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalkeran de eşkerayîyêke daye. Eşkerayîye wina ya:

''Çarçewa Hemleya Şorişgêre ya Bazanê Zagrosî de;

5ê kanûne de Girê Lêlîkanî yê Xakûrkê de mewzîyêka îşxalkeran hetê hêzanê ma ra di baskan ra pê çalakîya gerîlayan ameye pirodayene. Netîceya çalakîye de mewzî û îşxalkerê ke tede bîyî ameyî îmhakerdene.

7ê kanûne de nêmroje de warê Cîloyê Biçûkî yê Zapî de hêzanê ma droneyê artêşa îşxalkerde kerdî hedef. Droneyî netîceya mudaxeleyê hêzanê ma de remayî.

9ê kanûne de warê Şehîd Şahan, Girê Şehîd Fedakar, Kûnişka, Şehîd Rûstem û Saca yê Zapî dîyayî bombayan ver. Dewleta tirke îşxalkera ke Zap de Operasyonê Şorişgêrî yê gerîlayan de derbê giranî werdî xîret kena ke pê hêrişanê hewayî binkewtişê xo binimna. La nê hêrişan de zerarêk nêresa hêzanê ma ser.

18ê teşrîna peyêne de bombardumanê giranî yê artêşa tirke ya îşxalkere ra dima artêşa tirke operasyonêk dabi destpêkerdene. No operasyonê îşxalî hema zî dewam keno. Çend ke detayî bikewê destê ma, ma do rayaumûmîye reyde nînan pare bikerê.

7ê kanûne de warê Şehîd Şerîfî yê Xakûrkê dîya bombayan ver.''