Gerîlayanê HPG û YJA Starî serra 2021î de bi tîmanê profesyonelan erazî zafêr zengîn şuxulnaye û bi hêzê xo yê ke hem binê erdî hem zî serê erdî de şuxulna vera artêşa tirke şero pîl kerd. Dewleta tirke rixmê heme îmkanan û metodanê xo yê leyminan nêeşkaye vera gerîlayan aver şiro. Gerîlaya YJA Starî Avaşîne Cûdî û gerîlayê HPGyî Berxwedan Jîyan ê ke tewrê Hemleya Şorişgêre ya Cengê Xebûrî bîyî û 9 mengan ra nata vera îşxalkeran têkoşîn kenê ard ziwan ke vindertişo fedayî yê gerîlayan pabesteyê felsefeya Rayberê Şarê Kurdî Abdullah Ocalanî yo û vat ê do bi nê rûhî serra newî de zî şerê serkewtişî bikerê.

Avaşîne Cûdî: ''Dewleta tirke çeka kîmyewîye zî tede heme çekê qedexeyî nê şerî de şuxulnayî. Vera naye hem tunelanê şerî de hem zî her vinceyê koyan de têkoşîno gird ame dayene. Ma hetê taktîkî ra bîyî pîspor, bi yewîyanê qijan derbanê giranan danê artêşa tirke ro. Dewleta tirke Metîna û Zendûra de hêrişê giranî kerdî la embazanê ma bi têkoşînê Zendûra destan nuşt. Ma zî do armanc û xeyalanê embazanê xo bîyarê ca. Dewleta tirke şer de sinor nas nêkena. Ma zî vera naye bi hêz, îrade û girêdayîya dewaya xo şer kenê. Ma bi fîkranê Rayber Apoyî rayra şinê. Coka ma vera çekanê kîmyewîyan eşkenê payra vinderê. Coka PKK bi nê çekan û bombardumanan çîn nêbeno. Gama ke embazêk/e şehîd beno/a herinda ci de bi desan kesî ca genê. Ma do bi çalakîyanê xo yê serkewteyan tecrîdî bişiknê. Xora nê şerî ramojna ke dewleta tirke û sîstemê ci yê faşîst hinî helîyayî. Netîceya şerê ma yê girdî de do birijîyo. Tewirê gerîlan zelal o, no şer do bibo şerê serkewtişî. Emser hem hetê dewleta tirke hem zî hetê PDKyî ra vera gerîlayan hêrişê xurtî ameyî kerdene. Pîya bi operasyonanê dewleta tirke PDKyî zî hêrişê waranê gerîlayan kerd ke no hemkarîya ci fîneno çiman ver. Warê Çarçelî de waştişê înan hêrişê vera gerîlan bi la ma cewabê înan nêda û têgêrayîşê ma xeylêk rey PDK hîşyar kerd. Hêrişê înan hedefê keyeyê Barzanî fîneno meydan. Çend rey koordînatê nuqtayanê embazanê ma dayî dewleta tirke û bîyî sebebê şehadetan. Ma sey hêzanê YJA Starî nê şerî de aktîf ca girewt. Cinîye şer de hêz afernena û bi serkêşîya xo cesaret afernena.  Ma pê hêzê xo bawer ê. Ma do wayîrê keda Rayberîye vejîye û gamanê pêtan bierzê.''

Berxwedan Jîyan: ''Nê prosesê şerî de pîsporîya gerîlayan vejîyaye werte ke bi çalakîyanê cîyayan sîstemê dişmenî serûbin kenê. Şerê roja ma de gerîlayî tim xo newe kenê û teknîkê dişmenî yê modernî pûç vejenê. Bitaybetî taktîkê sûîqestî psîkolojîya dişmenî xeripnaye. Gerîlayî Hemleyanê Şorişgêran ê Bazanê Zagrosî û Cengê Xebûrî de bîyî pîspor. Hêrişê dewleta tirke yê vera Herêmanê Pawitişî yê Medya bi metodan û taktîkanê profesyonelan pûç ameyî vetene. Leşkeranê ke waştêne bikewê mewzîyan tersê gerîlayanê nîşandaran ra nêefteyanêne sereyê xo berz bikerî. Skorskyî nêeşkayêne cayanê pêkewtişan rê nêzdî bî û leşkeran ronê. Coka Zagros û Metîna de psîkolojîya leşkeran serûbin bîye. Nêeşkayêne gamêke birerzê. Sey Sîyanê Mamreşo, Zendûra, Girê Sor û Werxelê de rijnayîşo tarîxî ciwîyayî. Gerîlayan verê hêrişê îşxalî yê vera Başûrê Kurdîstanî girewt. Dewleta tirke her game de raştê têkoşînê gerîlayan ameye. Xeyalê dişmenî çend mengan de resayîşê Garê bi la serrêke ravêrte hema xeyalê ci raşt nêbîyî. Dewleta tirke  bi rayrîşê şerê taybetî şarî xapînena la Heftanînî ra heta Zagrosan çalakîyê ma dewam kenê. Gerîlayî her ca de yê û derbanê giranan danê dişmenî ro. Dewleta tirke seba  ke nêeşkaye cayê xo ra bileqo, çekê kîmyewîyî şuxulnayî la rixmê naye cayê ke waşte tede bimano ci rê bîyî cehenem. Gerîlayî do destûrê îşxalkeran medê. Koyî warê cuya gerîlayan ê. Xora sere ra bewlî bi dewleta tirke nîmeyê rayîrî de şikîyaye. Hedefê ma azadîya fîzîkîye ya Rayberîye ya. Bedelê ci çi beno wa bibo ma do bi têkoşînî biresê waştişê xo. Şerê gerîlayan do serra newî de vera dewleta tirke serkewtiş bifîno dest. Ma do çirey hêrişanê dişmenî xo vîr a mekerê û qesasê xo bigêrê. Çîyo ke ma vînî bikerê çîn o, serkewtiş do ê ma bo.''