Dima ke 18ê Adara 2018  de dewleta tirke û cerganê ci Kantonê Efrîn û dewê ci bi temamî îşxal kerdî talanê xoza û û binpaykerdişê heqan dest pêkerd.  Zeytûnêrî kokî ra birîyenê û benê Tirkîya. Her serre dewleta tirke dest danê serê zeytûnan û nêverdena efrînijî derbazê mîyanê erdê xo bibê. Goreyê belgekerdişê Rêxistina Heqê Merdiman a Efrînî serra 2021î de tewr tay 16 hezar û 5 se darê zeytûnî Efrîn de ameyî birnayene. 5 hezar darê zeytûnî ameyî veşnayene.

Derheqê na babete de cinîyanê koçberan ê Efrînî yê ke Kampa Berxwedanî de manenê, ajansê Jinnewsî rê qisey kerd û helwestê xo vera kerdişê dewlata tirke ramojna. 

Firyale Osmana ke dayîka 4 tutan a qezaya Mabeta ya Efrînî de derheqê birnayîşê daran de wina vat: "4 serrî yo ma Efrîn ra koçberê Kantonê Şehbayî kerdo. Ma vera top û tankanê dewleta tirke ya îşxalkere û çerganê ci mecbûr mendî ke verê xo bidê tîya. Ma sivîl ê, ma çi sucê ma bi dewleta tirke bi heme wehşetê xo hêrişî ma kerd? Dewleta tirkî ya îşxalkere 4 serrî yo Efrînê ma îşxal kerdo.  Mal û milkê ma diznenê. Daranê ma yê kokî ra wedarnenê û benê Tirkîya. Dewleta îşxalkere heme cayê zeytûnanê ma talan kena û nêverdana ke ma şêrê mîyanê erdê xo. Ma çi sucê xoza û keyeyê ma esto ke xirab kena?"

Hesna Mihemeda ke dewa Kurzêlî ya qezaya Şêrewa ya Efrînî ra ya derheqê eynî babete de qisey kerd û vat: "Semedê hêrişê dewleta tirke ya îşxalkere ma mecbûr mendî verê xo bidê Kantona Şehba. Cuya kampe xeylêk zehmet a. Dewleta tirke ya îşxalkere mal û milkê ma diznayî. Darê ma yê zeytûnan birnenê û benê Tirkîya ramnenê. Xozaya ma talan kenê. Ma tîya zaf xemgîn benê. Ma sey her şarî heqê xo yê meşrû wazenê. Heqê ma yo ma bi asayîş welatê xo de biciwîyê. Ma do heta sanîyeyê peynî xo ver bidê. Ma do serê rêça pakrewananê xo de şêrê û ma tu wext fek rayîrê înan ra fek vera medê, heta ke ma abigêrêê warê zeytûnan."

Rengîne Birîma ke qezaya Bilbilê ya Kantonê Efrînî ra ya bale ant serê birnayîşê darê zeytûnan û wina vat: "Ma semedê hêrişê dewleta tirke ya îşxalkere koçê Şehba kerd. Coka talan kena. Her roje Efrîn de dewleta îşxalkere û cergê ci zeytûnan birnena û xoza talan kenê. Dewleta tirkî ya îşxalkere qanûnan û merdiman nas nêkena. Kerdox û desteştişê ke dewleta faşîste Efrîn de kena vera qanûnan ê. Efrîn de tewr zêde hêrişê vera cinîyan de yenê kerdene. Cinîyî her roje yenê remnayene û tecawuzkerdene. La wa baş bizanê ke ma do Efrînî bixelisnê."