Fermadarîya Pêroyî ya YBŞyî derheqê hêrişê ke ewro Şingal de qewimîya de eşkerayîye daye. Eşkerayîye de ame vatene ke  fermandarê YBŞyî Pîr Çeko û Agir Cefrî ameyî hedefgirewtene û wird fermandarî netîceya hêrişî de şehîd bîyî û şervanêk zî birîndar bi.

Eşkerayîya YBŞyî de nê ameyî parekerdene:

''Roja 27.02. 2023 de saete 11:35 de dewleta tirke ya îşxalkere pê droneyanê çekdaran hêrişê wesayîtêkî kerd. Netîceya nê hêrişî de di fermandarê me şehîd bîyî û hemrayêkê ma birîndar bi. Hîrê embazê ke şîyî tezîyeya di ciwananê ke dinyaya xo bedilnaya, pê droneyanê çekderan ameyî hedefgirewtene.

No hêrişê dewleta tirke dewamê qirkerdişê êzidîyan o. No hêriş vera xopawitişê êzidîyan û heqanê înan ê xoîdarekerdişî yo. Dewleta tirke hêrişê Şingalî kena ke wa şar amegêro herra xo ya bimbareke.  Pê ajanan û xayînan Şingalî ser o plananê xo yê leyminan rayra benê. Ma semedê têkoşîn û xoverdayîşî qerardar ê. Ma do heta serkewtişî xover bidê.

Şehîd Pîr Çekoyo ke hêriş de şehîd bi, 2016 rêça Mam Zekî, Mam Beşîr û Saîd Hasanî de tewrê sefan bi û roja  verêne ra heta ewro heme berpirsîyarîyê xo bi serkewtişî ardî ca. Hemrayê ma Şehîd Pîr Çekoyî seba ke qesasê êzidîyan bîgêro 2017 de tewrê şerê Reqa bi û dima sey fermandarêkî agêra herra bimbareke ya Şingalî.

Şehîd Agirî badê fermanê 2014î tewrê sefan bi û semedê azadkerdişê Şingalî zaf kede daye. Seba ke şahîdanê fermanê 73. ra yew bi çirey dejê  şarî xo vîr ra nêkerdî û xo semedê  heme wezîfe û rolan rê amade kerd.

Semedê şehadetê hemrayanê ma yê serkêşan dejê ma gird o. Ma soz danê şehîdanê xo yê qehremanan ke ma do têkoşînî xurtêr bikerê û qesasê şehîdanê xo bigêrê.''

Nasnameyê embazanê yê şehîdan wina yê:

Nameyê Qodî:Pîr Çeko

Name û Peyname: Tohum Ali Bedel

Nameyê Maye û Pî: Kinê-Ali

Tarîxê Tewrbîyayîşî: 2016 – Zaxo

Tarîx û Cayê Şehadetî:  27.02.2023 – Behrava

 

Nameyê Qodî: Agir Cefrî

Name û Peyname: Xeyrî Xidir Xelef

Nameyê Maye û Pî: Xezal – Xidir

Tarîxê Tewrbîyayîşî: 2014 – Xanesor

Tarîx û Cayê Şehadetî:  27.02.2023 – Behrava